Popular Bible Verses from San Lucas 11

Share

Ha peẽ pene ñañáva peme'ẽkuaa ramo mba'e iporãva pende ra'y kuérape, pende Ru yvága peguáma katu ome'ẽ vaerã Espíritu Santo umi ichupe ojerurévape.

Ha che ha'e peẽme: Pejerure, ha oñeme'ẽ vaerã peẽme; peheka, ha pejuhúne; pembota ha ojepe'áne peẽme pe okẽ.

Upe ojerurévape, oñeme'ẽ vaerã; ha pe ohekáva ojuhu vaerã; ha pe ombotávape, ojepe'a vaerã.

Ha Jesús he'i ichupe kuéra: --Peñembo'e jave peje: Ore Ru reiméva yvágape, toñemomarangatu nde réra. Tou ne reino. Tojejapo ne rembipota, yvága peguáicha yvy ári avei.

Eperdona ore pecado kuéra, ore niko roperdona avei opa umi ojapo vai va'ekuépe ore rehe. Ani reheja rojepy'ara'ã, ore pe'a uvei mba'e vaígui.

Pe ore rembi'urã tapiagua eme'ẽ oréve ko árape.

Pe nde rete resapeha niko nde resa; pe nde resa ipotĩ ramo niko nde rete ojehesapepa avei; ha ivai ramo katu nde rete oĩ pytũnguýpe.

‘Avave nomohendýi tesapeha omoĩ haguã oñemi haguãme, terã mba'yru guýpe, omoĩ yvate uvei ohesape haguã umi oikévape.