Popular Bible Verses from SAN MARCOS 2

Share

Apleg'awók axta Jesús xa. Aptahak axta apkeláneya s'e: —Mopmenyék pánakte egyap ma'a énxet'ák apkelyennakte nak, wánxa m'a énxet'ák apkelháxamap nak. Axta ko'o aweyk yakwayam alwónmakha énxet apkelpéwomo nak, wánxa m'a énxet melya'asáxma nak.

Xama axta apwet'a Jesús ekyetna melya'áseyam xa énxet'ák nak, aptahak axta apcháneya ektaha axta apháxamap se'e: —Hatte, megkólyakmagkásekxak xép aptémakxa mey'asáxma.

Aptahak axta anhan appeywa Jesús se'e: —Enxet axta kélláneso xa ekhem nellókasamakxa nelyampé nak, háwe axta ekhem nellókasamakxa nelyampé kélláneso énxet.

Wánxa agkok, mopwancha'ak axta apyepetchegwokmoho Jesús, hakte apxámok axta énxet ma'a, keñe axta apyagkaxkata néten tegma ekpayhókxa axta apkenmágkaxa Jesús. Xama axta appenchesa apyagkaxkatma néten tegma, apweykásenteyk axta yetlo aptaháno m'a énxet apkelyakseykekxa megkamopwána axta eltakheykha.

Axekmósek sat ko'o ekyetna apmopwána meyakmagkásekxék ektémakxa melya'asáxma énxet'ák apheykha náxop ma'a ektaha nak Apketche énxet. Keñe axta aptaha apcháneya énxet apkelyakseykekxa megkamopwána axta eltakheykha s'e: —Ektahak seyáneya exchep se'e, etnamha, emekxa aptaháno, emyekxa apxagkok.

¿Yaksak enyahamo antehek agának énxet apkelyakseykekxa megkamopwána nak eltakheykha: ‘Megkólyakmagkásekxak ektémakxa nak mey'asáxma exchep’, enxeykel'a antehek agának se'e: ‘Exnekxa néten, emekxa aptaháno, exeg’?

Yetlókók axta apheykekxa néten nápakta'awo' énxet'ák, apmákxeyk axta aptaháno, aptekkek axta m'a. Ekeso eñamakxa ekpelakkasa axta apkelwet'a apyókxoho énxet'ák xa. Aptahak axta apkelpeykáso Dios se'e: —Magweteyk makham negko'o katnehek xa ektaha nak.