Popular Bible Verses from SAN MATEO 28

Share

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo. Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

Aptahak axta Dios apchásenneykha apcháneya kelán'ák se'e: —Náhelé'. Ekya'ásegkok ko'o kélchetama kéxegke Jesús, cham'a kélyepetchesa axta aksok ektegyéso. Méko s'e. Apxátekhágwokmek xeyk, ekhawo m'a aptémakxa axta appeywa. Kólchempoho, kólteyánegwoho s'e kélpekkenakxa axta.

Aptahak axta apkeláneya Jesús se'e: —Néhelé', kóltennásekxa elyáxeg'a, kólána elmeyekxak ma'a Galilea, sat heteyágwakxak ma'a.

Apkelya'aweykxek axta énxet'ák apkelámha apmonye'e apchakneykekxexa judíos xa énxet'ák apkelámha apmonye'e nak appasmo apkelmaxnéseso Dios énxet'ák apagkok, yakwayam enxoho exnéshok mók apkelpakmeyesma xamo' xa énxet'ák nak. Apyanchásók axta anhan selyakye apméso m'a sẽlpextétamo. Aptahak axta apcháneya apkeltamho etnehek apkeltenneykha s'e: —Kólteme sat kólána kéxegke, axta'a exchek apkelwa'a Jesús apkeltámeséyak, keñe apmeñexa Jesús aphápak neyseksa kélnakteyenma kéxegke. Apleg'ak sat agkok wese' apwányam Roma apchásenneykha apkeláneykha yókxexma xa, negko'o sat ólpakhetchesaxkoho, keñe sat megkólwetyek ekyentaxno kéxegke. Apkelxakak axta selyakye m'a sẽlpextétamo nak, aptamhágkek axta anhan ma'a ektahakxa axta amya'a apkeláneyákpo. Cháxa ektepeykencha'a nak cha'a amya'a nepyeseksa énxet'ák judíos ekxénamaxko xa ekwokmoho keso kaxwo' nak.