Popular Bible Verses from SAN MATEO 19

Share

Apkelanawók axta Jesús, aptahak axta apchátegmowágko s'e: —Mopwanchek ewagkasakpohok apagko' teyp énxet, Dios aksa apwanchek ewagkasek teyp.

Kamaskok ektaha ánet, xama katnekxa'. Ekeso eñamakxa megkeyméxko nak kéxegke kólyenyókasek mók ma'a Dios apyepetcheso nak.

Aptahak axta apchátegmowágko Jesús se'e: —¿Yagkólyetseteyk kéxegke ektémakxa nak ekxeyenma eknaktáxésamaxche m'a aptaha axta apkelané kéxegke sekxo' agko', ‘apkelanak axta énxet tén han kelán'a’? Aptahak axta anhan Jesús se'e: ‘Ekeso eñamakxa peya nak ényók cha'a apyap énxet, tén han ényók ma'a egken, yakwayam enxoho épetchaha m'a aptáwa, xama nahan katnekxak xa ánet nak.’

Aptahak axta Jesús apkeláneya apkeltámeséyak se'e: —Kólho hey'ótak sakcha'a létkók, nágkólnókasha, hakte appáxakweykmek aptémakxa nak Wese' apwányam Dios énxet'ák aphawo nak se'e sakcha'a létkók nak.

Wánxa agkok, kónegók sat eyke kóltemesásekxak nápakha énxet apteme nak apkelámha apmonye'e keso kaxwo' nak, keñe sat kóltemesásekxak apkelámha apmonye'e m'a nápakha énxet apteme nak kónegók keso kaxwo' nak.

Kéxegke ektahakxa enxoho kélyamasma kélxagkok, kélyepma, kélyáxa, kélyepmeyk, kélchána, kélketchek, xóp kélagkok esenhan, eñama selyetlo ko'o, kayeykhágwomhok sat kélxawé aksok, kólxawak sat nahan ekyennakte kélnenya'ák megkatnegwayam enéxa.

Aptahak axta apchátegmowágko Jesús se'e: —Apmokók agkok xép etnehek appéwomo, exeg, ekxeykxa m'a aksok apagkok ekyetna nak xép, elmésák ma'a énxet meyke nak aksok apagkok, keñe sat keytek ekxákma aksok apagkok xép ma'a néten. Keñe sat exyók, hétlawha sat nahan.

Aptahak axta apchátegmowágko Jesús se'e: —¿Yaksak ektaha selmaxneyeyncha'a nak xép ma'a aksok eltakmela nak? Wánxa eyke xama apyetna m'a aptaha nak aptakmela. Apmenyék agkok xép etxek ma'a ekyennaktamakxa nak egnenyek, elyahakxoho sat apkeltémókxa nak antehek Dios.

Keñe yeskohok etxek yágyatnáxeg ma'a sóketáma aktek, keñe m'a énxet ekxákma nak aksok apagkok askehe' etxek ma'a aptémakxa nak Wese' apwányam Dios.

Wánxa agkok, eltennásek ko'o kéxegke ektahakxa enxoho kélyamasma kéltáwa, megkatnaha enxoho elánegwayam pók énxet, keñe emekxak ma'a mók kelán'a, kéltawáseyha elyamhopma kéltaha enxoho xa.

Keñe axta aptaha apkeláneya Jesús apkeltámeséyak se'e: —Askehe' yakwayam etxek énxet ekxákma aksok apagkok ma'a aptémakxa nak Wese' apwányam Dios. Nakso' xa sektahakxa nak sekpeywa seláneya kéxegke.