Popular Bible Verses from SAN LUCAS 14

Share

“Elya'aweyktek agkok kéxegke eyesextoho enxoho selásekhayo, keñe kólásekhohok kélagko' ma'a kélyap, tén han ma'a kélchána, tén han ma'a kélnakteyegka'a, tén han ma'a kélketchek nak, tén han ma'a kélyáxeg nak, tén han ma'a kélyáxeg kelwán'ák nak, tén han ma'a kélásekhamáxkoho kélagko' nak, megkólwanchek kóltehek seltámeséyak.

Agkok kólpatmak aksok ektegyéso kélagkok, tén han mehelyetlokmo enxoho, megkólwanchek kóltehek seltámeséyak.

Hakte kéxegke ektahakxa enxoho kéltémo kólawho nepyeseksa kélnámokkok, mékoho sat kóltemesásekxa', keñe sat kéxegke kéltemesásamáxche nak mékoho, ekha kéláyo sat kóltemesásekxa'.

Sat agkok kólchexeyk kéxegke ekyókxoho aksok kélagkok ekyetnakxa enxoho, megkólwanchek kóltehek seltámeséyak.

Kélmokók agkok kéxegke kóllának tegma netno', megkatnehek megkólheykha yakwayam kalchetmok sekxo' kélwáxok yakwánxa kammok ekyanmaga, yakwayam enxoho kólya'asagkohok ekyetna selyakye yakwayam kólpenchesek apyókxoho tegma. Agkok kalchetámak kélwáxok, kélpekkena enxoho aksa m'a tegma apowhak ekyennaktéso nak, keñe megkólwanchek kólpenaksek xa tegma nak, apyókxoho énxet sat nahan yesmaksek ektaha apweté xa. Etnehek nahan apkelpeywa s'e: ‘Apkelanak axta apxagkok xa énxet nak, keñe megkapwagko apmoko epencheshok apyókxoho.’

Kéllanak agkok kéxegke ektámáxche, Kóláneyha sat ma'a énxet meyke aksok apagkok nak, tén han ma'a énxet'ák apkelyelkamap nak, tén han ma'a meyke aptapnák nak, tén han ma'a meyke apakta'ák nak; kapayhekxak sat nahan kélwáxók, hakte mopwancha'ak eyanmagkasesek kéxegke xa énxet'ák nak, keytek sat eyke kéxegke ekyakmageykekxa kéltahakxa m'a ekhem apnakxétekhágwokmo sat énxet'ák apkelpéwomo nak.

“Tásek ma'a yásek nak; wánxa agkok, massék agkok ma'a ektémakxal'a ekmáske yásek, ¿háxko katnehek kólmaha makham? Yawanchek nahan katakmelchesek xóp, megkapasmek nahan pa'at apák nékheso nak. Kólchexak aksa. Kéxegke ekha nak kélheyk'ák, kóleyxho xa.”