Popular Bible Verses from Juan 13

Share

Kxel nq'o'ne jun ak'aj mandamyent kyeye: Tu'n kyk'ujlante kyib'e kyxolxe ik tza'n weye ma che nk'ujlaye, ikxtzun kyeye tu'n kyk'ujlante kyib'e kyxolxe. Qa ma kyk'ujla kyib'e kyxolxe, tu'ntzun jlu k'elel kynik' kykyaqil xjal kyi'je qa nxnaq'tzb'en qeye, chi Jesús kye.

Ma tz'el ntx'jo'ne kyqane, ex aqine Xnaq'tzal kyeye ex Kyajawe, kyja'tzun ikx kyeye tu'n tel kytx'jo'ne kyqane kyxolxe. Porke ma txi nyek'une kyeye, ik tza'n ma nb'inchaye kyeye, ikxtzun kyeye tu'n kyb'inchanteye.

Xi ttzaq'we'n Jesús: —Aju in nb'incha'ne minti' nne'l tnik'a ti'j ja'lo, k'elel tnik'a ti'j mas yajxi.

Ax tok kxel nma'ne kyeye, aju majen mya mas at toklen twitz ju tpatrón, ex aju in xi sama'n mya mas at toklen twitz ju samal te.

Qa ma tz'el kynik'e ti'j jlu, at-xix tzalajb'il kyeye qa ma kyb'inchaye.

Otoq tma tajaw il tuj tanmi Judas Iscariote, aju tky'ajal Simón, tu'n t-xi q'o'n Jesús tuj kyq'ab' xjal tu'n, ex b'a'n tu'n Jesús tkyaqil otoq tzaj q'o'n tuj tq'ab' tu'n Tman, ex b'a'ntoq tu'n qa tuk'il Dios otoq tzaj ex tuk'il Dios tu'n tpon, kyja'tzun jaw we' ti'j mes matoq in che wa'n, el ti'n txowb'il ti'j ex tzaj ti'n jun xb'alun ok tk'alo'n tk'u'j. Ku'x tqo'n ch'in a' tuj jun k'oẍ, ok ten tx'jolte kyqan qe t-xnaq'tzb'en, ex el t-su'n ti'j kyqan tu'nju xb'alun aju k'alo'ntoq tk'u'j.