Popular Bible Verses from Juan 12

Share

Qa at jun xjal taj tu'n tajb'en weye, lpe'k wi'je; jatum chin tele axtzun ktel aju in ajb'en weye. Qa at jun ma tz'ajb'en weye, ok kjawil nimsa'n tu'n Nmane.

Alkye jun xjal o'kx tok tk'u'j ti'j tchwinqlal twitz tx'otx', mlay tkamb'a aju chwinqlal in tzaj tq'o'n Dios; ex alkye jun xjal nne'l tik'un tchwinqlal tzalu twitz tx'otx', ok tkamb'a' aju chwinqlal in tzaj tq'o'n Dios tu'n tten tchwinqlal te jumajx.

Ax tok kxel nma'ne kyeye, aju twitz triw qa minti' ma ku'x maqu'n tuj tx'otx', junxte kyjel ten, mlay poq'l; qatzun ma ku'x maqu'n, nim twitz k'okel.

Aqine ma chin ule te spik'un kyxol xjal, tu'ntzun mi'n kyten tuj qlolj kykyaqil qeju ma che okslan wi'je.

Ex qa at jun xjal ma b'inte nyole ex qa minti' ma japun tu'n, mya wu'ne kb'el t-sentens; porke minti' ma chin ule tu'n tkub' kysentens xjal, noq o'kx tu'n kyklet xjal.

Atzunte Mariy tzaj ti'n mij botey perjum nardo tb'i mya smo'n twitz, wi'yilxix, ok tqo'n ti'j tqan Jesús, ex b'aj t-su'n tu'n ttzmal twi'; ex o noj tuja tu'n tk'ok'jal perjum.

Tzajtzun kyi'n tq'ab' xa'j, e je'x kanul ti'j Jesús, jaw tq'ajq'ajel kywi' ex kyma: —Nimanxwit tb'i Dios. Ky'iwla'n teju tzul, aju Rey kye aj Israel, tu'n Qman ma tzaj sama'n, che chi.

Xitzun ttzaq'we'n Jesús: —Ma pon tq'ijlalil tu'n njaw nimsa'ne, aqine sk'o'maj qine tu'n Dios tu'n ntene kyuk'il xjal.