Popular Bible Verses from Salmos 34

Share

Lʌc'ʌl an lac Yum ba'an ch'ijiyemo' bʌ i pusic'al. Mi' coltan jini woli bʌ i melob i pusic'al.

Tsac sajca lac Yum. Tsi' yubiyon. Tsi' loc'sʌbeyon pejtelel c bʌq'uen.

Mi' taj cabʌl wocol jini toj bʌ. Lac Yum mi' yʌc' ti colel ti pejtelel i wocol.

Ñopola uts'at lac Yum. Ña'tanla, tijicña jini mu' bʌ i taj i coltʌntel ti lac Yum.

Tsi' jac'beyob lac Yum jini winicob. Tsiquil ti' wut, tijicñayob. Ma'anic tsa' ajq'uiyob ti quisin.

Jini tojo' bʌ mi' c'ajtibeñob lac Yum i coltʌntel. Lac Yum mi' yubiñob. Mi' yʌc' ti ñumel pejtel i wocol.

I yAngel lac Yum mi' joy mʌctan jini mu' bʌ i bʌc'ñañob lac Yum. Mi' coltañob.

Cʌyʌ jontolil, mele chuqui uts'at. Tsajcan majlel i ñʌch'tilel a pusic'al.

Cʌntan a wac' ame ma' wʌl chuqui jontol. Cʌntan a wej ame ma' cha'len lot.

Lac Yum mi' q'uel jini tojo' bʌ. Lac Yum mi' ñich'tʌbeñob i yuq'uel.

Conla c sub i ñuclel lac Yum. La' lac tem ñuq'uesʌben i c'aba'.