Popular Bible Verses from Mak 6

Share

Noba yaga da waana la ba zie kyɛ leɛrɛ gɛrɛ, a zuiŋ a Yeezu ne O potuuribo da ba taa vuo a na di bonzaa. Lɛ la ka a Yeezu yeli ko a O potuuribo, “Yɛ e ka te gaa a wɛgyɛŋ poɔ te yoŋ a te pɛnne belaa.”

Lɛ la ka a Yeezu da yeli ko ba, “Ŋmen-yelmanneba maŋ nyɛ la emmo zie zaa ka bamenne teŋɛ poɔ ane bamenne noba zie naane ka ba ba taa emmo.”

A Yeezu naŋ da wa ta a mane noɔre, O da nyɛ la nembeɛoŋ, ka ba nembaaloŋ da kpɛ O, bonso, ba da waa ŋa peere naŋ ba taa kyeenɛ; ka O da piili kanna ba yɛlɛ yaga.

O da ba toɔ̃ toŋ toŋkpeɛŋaa zaa a be, ka a naŋ ba e O naŋ da de O nuuri pare baalba bawola mine eŋɛ ka ba da nyɛ ba sammo yoŋ naane. Kyɛ O noɔre da maaɛ la ne ba naŋ ba taa yeldeebo. Lɛ la ka a Yeezu da yɔ yoɔrɔ a tembilii zaa poore, a kanna a noba.

A Yeezu naŋ da wa de a boroboro anuu ane a zoma ayi, O da gbole kaa la sazu a puori, kyɛ maale a kyɛ nyɔge a boroboro ŋmaare, a de ko a O potuuribo ka ba de poŋ ko a noba, kyɛ la de a zoma ayi meŋ poŋ ko ba. Ka a noba zaa da di tege; kyɛ ka ba da wuo a boŋkpaa ka a pa pɛre pie ne ayi.