Popular Bible Verses from Mateo 21

Share

Ke nyɛ ngɛ hemi kɛ yemi ɔ, nɔ́ tsuaa nɔ́ nɛ nyɛ maa fa kue ngɛ he ɔ, nyɛ nine maa su nɔ.”

Yesu he nɔ ke, “Niinɛ, i ngɛ nyɛ dee ke, ke nyɛ ngɛ hemi kɛ yemi nɛ nyɛ ji nɔ́ ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ ma nyɛ pee. Ke nyɛ de yo nɛ ɔ tete po ke, ‘Hiaa, nɛ o ya nɔ wo mi ɔ,’ e maa ba mi ja.

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

nɛ e de mɛ ke, “A ngma ngɛ ngmami ɔmɛ a mi ke, Mawu de ke, ‘A ma tsɛ ye we ɔ sɔlemi we.’ Se nyɛɛ lɛɛ nyɛ ngɔ kɛ pee ojo fiali a laami he!”

“Nyɛ de Zion biyo ɔ ke, Hyɛ, o matsɛ ɔ ma o ngɔ. E he jɔ, nɛ e hi teji nɔ, ee, e hi teji bi nɔ.”

Yesu de mɛ ke, “Anɛ nyɛ kane we enɛ ɔ ngɛ ngmami ɔmɛ a mi hyɛ?” Ngmami ɔ ke, “Tɛ ɔ nɛ tsu fiali ɔmɛ sake fɔ he ɔ, lɔ ɔ tutuutu ba plɛ kɔ nya tɛ. Nyɔmtsɛ ɔ lɛ pee enɛ ɔ; hyɛ bɔ nɛ e ngɛ nyakpɛ ha!”

Yesu ya nɔ nɛ e de mɛ ke, “Lɔ ɔ he ɔ, i ngɛ nyɛ dee ke, a ma kpɔ Mawu matsɛ yemi ɔ ngɛ nyɛ dɛ, nɛ a kɛ ma ha ma je li a ma ko nɛ maa wo yiblii bɔ nɛ sa.” [