Popular Bible Verses from Yohane 16

Share

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Kɛ ba si piɔ ɔ, nyɛ bi we nɔ́ ko hyɛ ngɛ ye biɛ mi. Nyɛ bi, nɛ a maa pee ha nyɛ; kɛkɛ ɔ, nyɛ ma na bua jɔmi babauu.

I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ. Ke e ba a, e maa tsɔɔ je ɔ kaa bɔ nɛ a susuɔ ngɛ yayami, kɛ nɔ́ nɛ da, kɛ Mawu kojomi he ɔ dɛ.

Jã nɔuu, nyɛ hu amlɔ nɛ ɔ, nyɛ ngɛ kɔmɔ yee, se ma na nyɛ ekohu. Nyɛ tsui maa nɔ nyɛ mi, nɛ nyɛ bua jɔmi ɔ, nɔ ko be hee ngɛ nyɛ dɛ. “Jamɛ a ligbi ɔ, e be hiae kaa nyɛ bi mi nɔ́ ko hu. I ngɛ nyɛ dee anɔkuale mi ke, nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e maa pee ha nyɛ.

I ngɛ nyɛ dee anɔkuale mi ke, nyɛɛ lɛɛ nyɛ ma kpa ngmlaa; nyɛ maa wo yana, se je ɔ ma nya. Nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.