Popular Bible Verses from Yohane 15

Share

“Imi ji wai tso ɔ, nɛ nyɛ ji kɔni ɔmɛ. Nɔ tsuaa nɔ nɛ hii ye mi, nɛ imi hu i hii e mi ɔ, e maa wo yiblii babauu, ejakaa ke ye he be mi ɔ, nyɛ be nɔ́ ko nɔ́ ko nyɛe ma tsu.

Nyɛɛ hi ye mi nɛ imi hu ma hi nyɛ mi. Kaa bɔ nɛ tso kɔni be nyɛe maa wo yiblii ngɛ lɛ nitsɛ e dɛ he, se ja e mɛtɛ wai tso ɔ he ɔ, jã kɛ̃ nyɛ hu ke nyɛ hi ye mi ɔ, nyɛ be yiblii woe.

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Suɔmi nɛ se be ji kaa nɔ ko maa ngɔ e wami ngɔ fɔ si ngɛ e huɛmɛ a he.

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Mlaa nɛ i ngɛ nyɛ woe ji nɛ ɔ nɛ: nyɛɛ suɔ nyɛ sibi kaa bɔ nɛ i suɔ nyɛ ɔ.

Yiblii babauu nɛ nyɛ woɔ ɔ, nyɛɛ kɛ woɔ Tsaatsɛ hɛ mi nyami, nɛ nyɛ peeɔ ye kaseli.

“Imi ji wai tso nitsɛ ɔ, nɛ Tsaatsɛ ji ngmɔtsɛ.

Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

“I de nyɛ ní nɛ ɔmɛ tsuo, konɛ kaa bɔ nɛ bua jɔmi ngɛ ye mi ɔ, nyɛ hu nyɛ na bua jɔmi babauu.

Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Mlaa nɛ i ngɛ nyɛ woe ji nyɛɛ suɔ nyɛ sibi.

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.