Popular Bible Verses from 1 Pita 2

Share

Amaa yinim’ nyɛla Naawuni ni pii zuliya shɛba, ka nyɛ o ni dihi shɛb’ nam n-zaŋ ba leei maligumaaniba, ka lan nyɛ zuliya shɛb’ bɛn be kasi ni Naawuni maŋmaŋ’ niriba ni di chɛ ka yi moli ŋun yihi ya zibisim ni n-zaŋ ya kpɛh’ o neesim din ne pam ni la tuun’ kara yɛla molo.

Ŋun’ Masia maŋmaŋa n-nyɛ ŋun daa ʒi ti daalahichi o niŋgbuŋ ni dapulli zuɣu ni di chɛ ka ti kpi zaŋ chaŋ alahichi tumbu polo, ka lee mali nyɛvili zaŋ chaŋ wuntia polo. O fiɛbbu bɔba ni dansi la zuɣu ka yi nyari dɔriti tibi kpaŋ. Yi daa bɔrigimi kaman piɛr’ la, amaa pumpɔŋɔ yi yipa ŋmaligi labila yi Piɛgula ŋun nyɛ ŋun gbibi ya la sanna.

Saha shɛli ha yi daa pala ninvuɣ’ maŋa. Amaa pumpɔŋɔ yi yipa nyɛla Naawuni niriba; ka saha shɛli ha yi daa bi nya Naawuni nambɔzɔbo, amaa pumpɔŋɔ yi yipa nya nambɔzɔbo o sani.

Benya kaman biliɛri la din ni chɛ ka yi suhuri kul ye Naawuni yɛligu din ŋmani bihim alal’ la zuɣu, ka di chɛ ka yi tooi zooi nya tiliginsim

M mabiyurisi n suhiri ya, yi ni nyɛ saamba be tinzun tinsi ni la zuɣu, zomiya niŋgbuŋ kɔr’ biɛri tuma din mini yi biɛhigu tuhiri tɔbu la. Maliya biɛrisuŋ bɛn pa Yɛhudianim’ sani, ka di chɛ ka bɛ yi tɔɣisiri n-dalindi ya ni yi nyɛla tuumbiɛtumdiba, bɛ ni bahi nya yi tuun’ suma ka ti Naawuni jilima o kandina dali.

Yimaŋmaŋ’ gba benya kaman kuɣ’ nɛma la kana, ka Naawuni zaŋ ya me o jɛmbu duu ka yi leei Naawuni maligumaaniba bɛn be kasi, ka maani sara maligu shɛŋa Naawuni ni deeri Yisa Masia zuɣu.

Dinzuɣu yihimiya biɛr’ biɛɣu zaa mini yɛmbimbiɛri ni bilikɔnsi ni nyuli zabbu zaa ni munaafichi niŋbu zaa yi biɛhigu ni.

Kamiya ti Duuma ŋun nyɛ kuɣ’ nɛɔŋ shɛli ninsalinim’ ni zaɣisi ka lih’ o ka o ka buchi, amaa ka Naawuni ŋun’ piig’ o ka lih’ o ka o mali buchi la sanna.

Maliya biɛhigu din wuhiri ni yi mali yolisim, amaa lee di zaŋya yi yolisim maa tumdi tuumbiɛri; kul maliyala biɛhigu din wuhiri ni yi nyɛla Naawuni daba.

Dama di nyɛla Naawuni yubu ni yi tum din tuhi, ka di chɛ ka yi mum jɛra bɛn tɔɣisiri ʒilinsi yɛtɔɣa la noya.