Popular Bible Verses from Matiu 5

Share

Ka so mi bi nyɔri firila n-zaŋdi lɔɣu pindi li, amaa o naɣ’ ni zaŋ li mi tam binshɛl’ zuɣu ni di ne sokam zaa yili maa ni. Dinzuɣu chɛliya ka yi neesim maa ne sokam zaa sani, ka bɛ nyari yi tuun’ suma ka tiri yi Ba Naawuni ŋun be alizanda ni ŋɔ jilima.”

“Yi ŋmanila firila dunia ŋɔ ni. Tin’ shɛli din me n-tam zoli zuɣu mi bi sɔɣira.

“Ninvuɣ’ shɛb’ bɛn mali suhuyini mal’ alibarika, dama bɛ ni ti nya Naawuni.

“Ninvuɣ’ shɛb’ bɛn suhuri ye wuntia zuɣu mal’ alibarika, dama Naawuni ni ti ba bɛ suhuri ni ye shɛli zuɣu maa.

Amaa man’ yɛri ya mi: yumiya yi dimnim’ gba, ka niŋmiya alibarika niŋdi bɛn turi ya ni, ka niŋmiya bɛn jɛn ya la zaɣ’ viɛlli; ka suhimiya Naawuni n-tiri bɛn niŋdi ya alaka.

“Ninvuɣ’ shɛb’ bɛn ʒe yim ni bɛ pɔri Naawuni sani mal’ alibarika, dama alizanda nam nyɛla bɛ dini.

“Ninvuɣ’ shɛb’ bɛn nyɛ sandaantimdiba mal’ alibarika, dama ti Duuma Naawuni ni ti boli ba o bihi.

“Ninvuɣ’ shɛb’ bɛn mali nandahima mal’ alibarika, dama Naawuni ni ti maai bɛ suhuri.

“Ninvuɣ’ shɛb’ bɛn nyari alaka Naawuni yubu tumbu zuɣu mal’ alibarika, dama alizanda nam nyɛla bɛ dini.

“Ninvuɣ’ shɛb’ bɛn zɔri nambɔɣu mal’ alibarika, dama Naawuni ni ti zo bɛ gba nambɔɣu.

“Niriba yi turi ya ka niŋdi ya alaka, ka ŋmari ʒi’ biɛri balibu kam pari ya n zuɣu, yi mal’ alibarika. Bɛ yi ti niŋdi ya lala, yin’ chɛliya ka di niŋ ya nyaɣisim ka yi mali suhupiɛlli, dama yi laara galisiya alizanda ni. Lala ka bɛ daa pun niŋ anabinim’ bɛn daŋ yi tooni la gba alaka.”

“Ninvuɣ’ shɛb’ bɛn nyɛ tarimba mal’ alibarika, dama bɛ ni ti su dunia ŋɔ.

Yisa daa yɛl’ o nyaandoliba maa, “Yi ŋmanila yalim dunia ŋɔ ni. Yalim mi yi ti niŋ piti, binshɛl’ lan kani din ni tooi chɛ ka di niŋ nyaɣisim yaha; bɛ ni kpaa’ li mi bahi ka niriba nɔri li, dama di lan ka buchi.

Dinzuɣu benya tibi kaman yi Ba Naawuni ŋun be alizanda ni ŋɔ ni be tibi shɛm.”

Amaa chɛliya ka yi yɛtɔɣa kul nyɛla: ‘Iin’ bee ‘Aai’, dama shɛli yi lan pahi dimbɔŋɔ zuɣu di nyɛla biriginsim yɛtɔɣa.”

“Yi pun lan wum ka di sab’ yɛli, ‘So yi fɔɣ’ a nini, a gba nyin’ fɔɣim’ o dini labisi, ka so yi ŋme n-kab’ a nyini, a gba nyin’ ŋmɛm’ kab’ o dini labisi.’ Amaa man’ yɛri ya mi: di bɔhiriya tab’ biɛri; hal so yi lab’ a nudirigu polo tapaɣa, nyin’ lɛbigim’ din’ la gba pah’ o.

Ka a nudirigu nini yi chɛ ka a yɛn birigi tum alahichi, nyin’ kpɔɣim’ li bahi, dama a yi kɔŋ a nimbil’ yini, di so ni bɛ ti zaŋ a niŋgbuŋ zaa kpɛhi buɣim ni. Ka a nudirigu mi yi chɛ ka a yɛn birigi tum alahichi, nyin’ ŋmaam’ li bahi, dama a yi kɔŋ a nu’ yini, di so ni a niŋgbuŋ zaa ti kpe buɣim ni.”