Popular Bible Verses from Luka 14

Share

Ne amea ɖe va gbɔnye, eye melé fu fofoa kple dadaa kple srɔ̃a kple viawo kple nɔviaŋutsuwo kple nɔvianyɔnuwo, ẽ, ye ŋutɔ ƒe agbe gɔ̃ hã o la, mate ŋu anye nye nusrɔ̃la o.

Amesi ke metsɔ eƒe atitsoga, eye wòva dze yonyeme o la, mate ŋu anye nye nusrɔ̃la o.

Elabena amesiame, si ado eɖokui ɖe dzi la, woabɔbɔe ɖe anyi, eye amesi abɔbɔ eɖokui ɖe anyi la, woadoe ɖe dzi.

Azɔ nenema ke mia dome amesiame, si megbe nusiwo katã le esi la o la, mate ŋu anye nye nusrɔ̃la o.

Elabena ameka le mia dome, ne ele didim be, yeatu mɔ̃ la, mabɔbɔ nɔ anyi gbã, eye wòabu eŋu kɔnta, ne nu le esi, be wòawu enu la o mahã? Menye bena, ne eɖo egɔme anyi tso, eye mete ŋu wu enu o la, ne amesiwo katã kpɔe la, nade asi fewuɖuɖu me le eŋuti o, agblɔ bena: Amesia de asi matutu me, eye mete ŋu wu enu o.

Ke boŋ, ne èɖo kplɔ la, yɔ ame dahewo, nuwɔametɔwo, bunɔwo, ŋkuagbãtɔwo, eye nazu yayrame, esi naneke mele wo si be, woaɖo eteƒe na wò o ŋuti; ke woaɖo eteƒe na wò le ame dzɔdzɔewo ƒe tsitretsitsi la me.

Dze la, nu nyui ye; ke ne dze hã bu eƒe vivi la, nuka woatsɔ ado vivi nɛ mahã? Menyo na anyigba alo na aɖukpo dzi hã o; ɖeko woatsɔe aƒu gbe. Amesi to senu li ne la, nesee.