Popular Bible Verses from Mə́líʼkus 16

Share

Ná ayɛ́ɛ aáʼkobosásan, aáság kusəə ɔnɔ́ na pɔ́lɛ́: «Todáan anɛ́ɛ́n a nsí ngim, pólaamɛnɛ ungim Tɔsɔm Tólaŋ.

Pá pálɛ́ɛ́ kaágɛ́ɛ́ oʼto, pɛálɛ́ʼkán pɛ́ pálɛ́ɛ́ kɛɛlɛɛ́ əguloodi lɛ́ páʼkaag oʼto na Táán a pɛ́ɛnɛ pɛ́lɛɛ́ lɛ́: Pálɛ́ɛ́ koŋɛ́ŋan məŋun má mabɛ́ a niiŋ nɛ́am. Pálɛ́ɛ́ tɛn kosɔyɔ əʼkíí yɛ́ angwa. Pálɛ́ɛ́ kɛɛn tɛn lɛ́ ɔmbɔ́ pə́ə́gumin uʼkud na ombɔg, ódɛboodá. Ɔmbɔ́ páŋo ɛlɔg, ɛ́dɛboyɛ́ɛ́lɛ yoom. Mɔɔd alɛ abany páyɛmoyábɛgɛn ɔmbɔg, óyoom.»

Nyɔ́ alɛ́ɛ́ kaágɛ́ɛ́ oʼto, ə́əsiəd ɔsɔgɛn, nyóon aa alɛ́ɛ́ kɔɔy. Náa, nyɔ́ adɛndɛ́ɛ́ kaágɛ́ɛ́ oʼto, nyóon alɛ́ɛ́ kɛɛn na nsɔ́ɔ́.

A pɔ́lɛ́, pɛ́ɛ́ság kɛɛn agɛɛn alɔɛgɛ Tɔsɔm Tólaŋ kɛnɔ kiim. Sə́dúk ayɛ́ɛ agoboyábɛgɛn ombɔg a nkə kɛ́ páyɛ́ɛ agɛɛlɛ, oóloodi a mangán má páyɛ́ɛ agɛɛlanɛ lɛ́ nkə kɛ́ pálɛɛ́ alɔɛgɛ kɛ́lɛ fɔ́lɔ́b.]

Náa ɔnɔ́ na pɔ́lɛ́: «Pɔɔ́n pá ɛ́yaʼ! Podɛʼtámmána aá! Mbálɛŋ lɛ́ Yə́sus mɔɔ́n o Násalɛd nyɔ́ pɛ́ɛ́báŋan a ɔmbásá aa polɛɛ́ əguunə. Amóndɛg, əndigi áanɛ. Táá kɛnɔ kɛ́ pə́yíngígi kɛlóŋ kiə́ŋ áa kɛ́ɛnɛ.

Ná páyɛ́ɛ pándɛ ndúmiʼ na kəəniʼ, pááság kodála nɛdáán nɛ́go nɛ́ páyɛ́ɛ əgiim pááságɛma lɛ́ nɛ́ɛ́yámɛn kɛ́fɔlɛ́, nɛándɛ nimíngílídiə́n a ɛbá. Pááság kɛɛn, pɔ́ɔ́sɔ́d a kəəniʼ. Ná pɛ́ɛ́sɔ́d kɔ, pɛ́ɛ́dála ɔnyɔmmɔ́n ó mɔɔd alɛ kɔ undəndínə́ə́n a ɛbá yɛ́ ombɔg ó nɛnom. Ayɛ́ɛ na ntaa nfúlúʼtú. Mədig mə́yíbusúú a ambaan.