Popular Bible Verses from Mə́líʼkus 14

Share

Ayɛ́ɛ əgusəə ɔnɔ́: «Əə́əy Mbáa yaam, Sɛ waam! Olɛ na toɛn tó kɛɛlɛ yiim. Sɛ́gɔɔ mbágoyɔ́sɔ́gɔ́lɔ́nɛ́ɛ́, ɛɛlɛ lɛ́ ntɔ́b yɛ́ɛnɛ yɛ́nyaágɛɛŋɛ. Náa, kɛ́dɛnjɛ́ɛ́n a nɛnyɔ́ŋɛn nɛ́am, kíɛn a nɛáŋ!»

Kúlə́ən, poɔ́sɔ́gɔlɔn Táán agɛɛlɛ lɛ́ pudiʼtə́əŋ a pɛásɔ́sɛ́n. Mɔɔd alɛ na ɔʼtɛ́m wóonɛ lɛ́ yɛ́ɛlɛ kɔŋɛʼ, náa nkó yəəŋ áa ɛlɛɛ́ ntom.»

Ndabodɛ́anɛ a fɔ́lɔ́b lɛ́ kɛnɔ kiim kɛ́ pálɛ́ɛ́ kɔlɔɛgɛɛ́ Tɔsɔm Tólaŋ a nsí yɛ́ɛnɛ ngim, pálɛ́ɛ́ kaáyɔ́ɔ́ŋɛ ɔʼkɛ́ɛd nyóonɛ, pɔ́ɔsɔyɔ nkə kɛ́ɛnɛ kɛ́ amɛ́ɛ́lɛ.»

Ná páyɛ́ɛ pə́ʼkəə́súid yuudi sɔɔŋ, ayɛ́bodɛánɛ ɔnɔ́ na pɔ́lɛ́: «Ɔʼtɛ́m wáam wándɛ ɔmbɛ́ a las. Pəŋi tɛn púləndin áanɛ, Púgúlə, pudinním ɛnɔ.»

Pálɛ kɔ agonɛ́ɛnɛ, Yə́sus aáság kudə́əmini pɛlɛ́ɛd, amɛ́ʼkɛn pisoyidiʼ na Táán, aábɛ́ŋa, amɛ́ʼkɛn na paaʼkan pə́ə́ŋ, ɔnɔ́ na pɔ́lɛ́: «Siə́dəən pɛlɛ́ɛd pɛ́ɛnɛ, nkó yaam aa yɛ́ɛy.»

A ngim yɛ́ɛy, yiídə́ə́míni tɛn kilən kɛ́ maloʼ, əmíʼkíni kɛɛ́ʼkɛn pisoyidiʼ na Táán, amábonáámɛ́nɛ, pááŋó pɔ́lɛ́ piim. Yiísə́ə́ ɔnɔ́ na pɔ́lɛ́: «Móonɛ málɛ maŋɔ́ máam. Mɔ́lɛ́ aa málɛɛ́ kisuŋ kɛ́ kíoloodi nɛálad nɛ́ Táán amáládɛ́ɛ́ na pɔɔd Ndɛ́ɛ́ kusub mɔ́lɛ́ a kidíídí kɛ́ ɛ́fɔlɛ́ ɛ́ pɔɔd.

Náa Yə́sus ɔnɔ́ na paaʼkan pə́ə́ŋ: «Pəŋi piim poagɛʼtɛ́da lɛ́ náan aa kɛ́lɛɛ́ kidiídílə́ a Kálaʼtaʼ lɛ́ Táán ɔnɔ́: “Ná ndáagoon unnuŋ mudúg, mudúg muim moágólɛ́gɛd”

Tɛ́mɛ́naan, tiɛ́naan! Táá mɔɔd ogo nyɔ́ aágɛndɛg na pɔ́lɛ́ aa nyóonɛ aándɛɛ́ kɔ.»

Yə́sus əyímuyúlísíni ɔnɔ́ na nyɔ́lɛ́: «A fɔ́lɔ́b ndagodɛ́anɛ lɛ́ əgín a udúg ó naánɛ́ yɛ́ɛnɛ, kɛbaŋ kɛ́ nsɛɛ kíədíin kɛdaŋ a annam ábaan ná wəə́ʼkiʼtəm pɛnɛŋ pɛ́dáád wɔʼkɔ́ odɛndɛŋɛn.»