Popular Bible Verses from Mə́líʼkus 13

Share

Ungim alɛ́ɛ́ koboóbɛnɛn a kidíídí kɛ́am. Náa, nyɔ́ adɛndɛ́ɛ́ koʼtiɛngɛlɛdɛɛ́ súʼtə́ə́ a nɛman, nyóon aa Táán alɛ́ɛ́ komoyɔ́yɛɛ́.»

Pólóʼkɔdɔɔn anɛ́ɛ́n óo! Pudinním ɛnɔ lɛ́ podɛálɛŋ naanɛ́g áa kɛnɛŋ kɛ́go kɛ́lɛ́ɛ́ kiigií.

Ná pálɛ́ɛ́ kubuúgumən agɛɛn na pəŋi a puog pó pɛyɔm, podɛyáságɛ́máá nkə kɛ́ puə́səə kɔ. Náa, tɔgɛ́ɛ́ tuim tó tólɛ́ɛ́ kubuyíminií lɛ́ púsəə a kɛnɛŋ kɛ́go kɛ́ɛg, Uŋun wó Ufúlúʼtú aa ólɛ́ɛ́ koboyɛ́ʼkɛnɛɛ́ tólɛ́ lɛ́ púsəə. Tódɛndɛ́ɛ́ kɛɛn tɔgɛ́ɛ́ tó pomáyɛ́ɛ́ŋɛ́nɛ́ɛ́ pəŋibáamɔɛ́d lɛ́ pósɔyɔ.

Mbálámɔɛn ɛlɛ́ɛ́ kosan, nsí tɛn yɛ́ɛnɛ yɛ́ɛsan, náa tɔgɛ́ɛ́ tóam tólɛ a pəliə́g.»

Yə́sus ayɛ́ɛ́n əgín na tɔgɛ́ɛ́ yuudi, ɔnɔ́: «Náa, mɔɔd na mɔɔd andɛŋɛn wɔɔ́s ogo na kɛnɛŋ kɛ́go kɛ́ pɛbán pɛ́ɛb pɛ́lɛ́ɛ́ kaásánɛ́ɛ́. Ɔmbɔ́ məŋun má maʼtom má málɛɛ́ a mɔɛn mándɛŋɛn, ɔmbɔ́ mɛ nyɔ́ ndɛɛ́ Mɔɔ́n, ntɛlɛŋɛn. Mbáa nyɔ́lɛ́nyɔ́əsíŋ áa aálɛŋ.

Ná polɛ́ɛ́ koob pɔ́ɔsɔyɔ lɛ́ pɛdá pɛ́lɛ agaánɔɛyɛ áanɛ ndúmiʼ, ɔmbɔ́ lɛ́ kága laálá, podɛʼtámmána. Nkə kɛ́ɛg kiim kígóódi lɛ́ kɛáyɛ́ɛlɛ. Náa, kɛ́dɛndɛ́ɛ́ kɛɛn lɛ́ nɛman nɛ́ nsí aa nɛ́ɛn.

Kólɛ́ aa ndábodɛ́anɛ lɛ́ pudinním ɛnɔ lɛ́ podɛálɛŋ naanɛ́g áa mɔɔd o noádɛʼ alɛ́ɛ́ kiim alónɛ́ɛ́. Wɔnɔ́ ná alɛɛ́ ugiim alon na niób, ɔmbɔ́ lɛ́ na ɔʼtɛ́m wó udúg, oó lɛ́ na pɛbáŋɛn pɛ́ koany, ɔmbɔ́ lɛ́ ná koany koáʼkaáyɛnɛ. Ɔmbɔ́ aboolónɛn kiʼpus, adɛyɛ́bobóan lɛ́ polɛ a ɛnɔ. Nkə kɛ́ɛnɛ kɛ́ ndɛɛ́ əgusəə, ndɛ əgusəə kɛ́lɛ a mɔɔd ungim. Pudinním ɛnɔ o!»

Kɛ́lɛ́ɛ́ kɛɛn lɛ́ nigúu nɛ́ɛnɛ nɛ́lɛ agonɔɛyɛ nɛ́ʼkága pɛdá, kɛsom kɛ́ nɛlaamɛʼ kɛ́ɛnɛ kɛ́anɔɛyɛ kɛ́ʼkága. Nsí ɛlɛ́ɛ́ kəə́nyigən a pɛnɔ piíŋ. Məyíi málɛ́ɛ́ kudə́əŋ a ombod ó koon mɔɔd. Pɛbán pɛ́ɛb pɛ́lɛ́ɛ́ kɛɛn wɔnɔ́ ntɔ́b yɛ́ ɔʼkɛ́ɛd alɛanɛɛ́ na yɛ́lɛ́ a kɛnɛŋ kɛ́ ɔsánɛʼ.»

Náa, yoom ɛ́ na oʼto na oʼto yɛ́ ɛ́lɛɛ́ lɛ́ yáyɛ́ɛlɛ ɔmbɔ́ nsí yədíin ɛ́man ɛ́lɛ lɛ́: Tɔsɔm Tólaŋ tólɛ́ɛ́ koyaŋ agaálɔɛgɛ a mɔnɔŋ miim.

Kɛ́lɛ lɛ́ ɛ́fɔlɛ́ ɛ́lɛ́ɛ́ kiim na niiŋ nɛ́am a unuʼ. Na nyóon ɔnɔ́ nyɔ́lɛ́ aa alɛɛ́ Məsíi . Pálɛ́ɛ́ kuními ɛ́fɔlɛ́ ɛ́ pɔɔd ngə́.

Yə́sus ayɛ́ɛ́n na tɔgɛ́ɛ́ yuudi, ɔnɔ́: «Pəŋi, lóʼkɔ́dɔɔn na pəŋibáamɔɛ́d óo, lɛ́ pálɛ́ɛ́ kɛɛn na pəŋi a puog pó pɛyɔm. Pálɛ́ɛ́ kobobáam a puog pó pɛɔ́sɔ́gɔ́lɔ́n. Pálɛ́ɛ́ kubudə́nigi a pɛyɔm a udi ó pongɔ́mɛnaʼ na a oó puʼkúm a kidíídí kɛ́am. Polɛ́ɛ́ kɛʼtɛ́lɛmɛn mbaasɔ́ a udi wɔ́ɔ́bɔn.

Kɛ́lɛ lɛ́, ɛ́fɔlɛ́ ɛ́ pa Məsíi pá pɛfaa, na palɔɛgɛʼ pɛbán pá pɛfaa pálɛ́ɛ́ kiimən. Pálɛ́ɛ́ kɛɛlanɛ ɛ́fɔlɛ́ ɛ́ mangán na pɛálɛ́ʼkán əgulígə pɔɔd. Ngə́ ɛmaʼkɛɛn kɔ, pálɛ́ɛ́ kulígə tɛn ɔmbɔ́ pɔsɔ́g pá Táán əyííyid.

Yə́sus ayɛ́ɛ́n yuudi na tɔgɛ́ɛ́, ɔnɔ́: «Náa, a ngim ɛ mədúg móom ná ntɔ́b yɛ́ nkóʼkóón yɛ́ɛy yaáʼkosan, niis nɛ́ wɔɔ́s nɛ́lɛ́ɛ́ kunim, údiiʼkíni kolɛŋ konom kə́mmú. Ɔmbɔ́ tɛn wəə́ ódɛndɛ́ɛ́ konom na udúg. Muə́dədəʼ mólɛ́ɛ́ kiim mógásɛg a mbálámɔɛn əgudə́əŋ a nsí. Toɛn tó túgumíníníí moom móom muim a mɔɛn tólɛ́ɛ́ kəə́nyigid