Popular Bible Verses from LÓʼKAS 13

Share

«Ágɔ́nɛ́gɛ́an agɛɛlɛ lɛ́ pósɔd yɛ́ a udíyoog wó ólɛɛ́ ommɔ́ɔ́mɔ́sɛ lɛ́ fɔ́lɔ́b áa ndɛɛ́ əgusəə. Piíŋ pálɛ́ɛ́ kuunə kosɔd, pádɛáʼkɛ.

Ɔʼkɛ́ɛd nyummú ayɛ́ɛ kɔ nyɔ́ uŋun wó ɔmbɛ́ óyɛ́ɛ na nyɔ́lɛ́. Uŋun wóow óyɛ́moyɛ́ʼkɛn kɛnɛ́m kɛ́ kíyímuyúúd, adɛáʼkɛ kaábɛ́nɛn. Ayɛ́ɛ aáʼkɛɛlɛ na kobany kóog, pɛag puuniʼ na pɛ́dáád. Ná Yə́sus yɛɛ́dála ɔʼkɛ́ɛd nyóon, aáság komodɔ́ŋɔn, náa ɔnɔ́ na nyɔ́lɛ́: «Ɛ́ya, mbágodáálɛ aá, kɛnɛ́m kɛáŋ kɛáman.»

Aáság komoyábɛgɛn ɔmbɔg, ɔʼkɛ́ɛd tə́ŋ, əə́bə́ə́ kɛɛ́ʼkɛn nugəm na Táán.

«Náan, pə́mmú pá pálɛɛ́ nɛ́gɔŋ ngim, pálɛ́ɛ́ kosan yuudi, pə́mmú tɛn pá pálɛɛ́ nɛ́gɔŋ yuudi pálɛ́ɛ́ kuúlini ngim.»

«Əlígi mɔɔd o noádɛʼ aáʼkodɛ́ɛmɛn, əə́ʼkubuəg yoog, aáʼkofany, ná pəŋi pá polɛ́ɛ́ kolɔbɛɛ́ a táán púbə́ə́ kogɔʼtɔn umbuús, poámodɔ́ŋɔnɔ, poɔʼkɔ́: “Sə́dúg, Sə́dúg wɛ! Íbibuə́n!” Alɛ́ɛ́ kubuyúlisini ɔnɔ́ na pəŋi: “Ntɛboólɛŋɛn ó! Pəŋi póob ntɛlɛŋɛn ə́lə́ə́ áa puə́giim.”

Ndabodɛ́anɛ lɛ́ ndóo. Náa, pəŋi poʼkasɛnɛ ɔlaa wááŋan, puəwu tɛn náan yoom ímuʼ wɔnɔ́ pɔ́lɛ́.»

Ná nyɔ́lɛ́ yíiʼkini kobodɛ́anɛ ɔnɔ́ na pəŋi: “Ntɛlɛŋɛn páyaán áa polɛɛ́ ó! Ə́suídíən káag laálá na mɛ, pəŋi pá poágɛɛlanɛ kɔbɛ́.”

Náa Yə́sus ɔnɔ́: «Nɛlaamɛʼ nɛ́ Táán nɛáŋwáŋánan nkə áŋ? Na igə aa ndɛɛ́ ogofɛg nɛ́lɛ́ áŋ? Taa, nɛ́lɛ náanɛ wɔnɔ́ nsám ɛ moʼtáadɛ yɛ́ mɔɔd nyummú ayɛ́ɛ́n agon a pɔlɛ́m puə́ŋ. Yɛɛ́lóg, yaáyáma, ɛmáán kiɛd, pɛsag pímíim awáaga aŋŋany kɔ a ntab yəəŋ.»