Popular Bible Verses from LÓʼKAS 12

Share

Pəŋi tɛn, púləndin poágaáboŋ pɛnɛŋ piim lɛ́ Mɔɔ́n o mɔɔd alɛ́ɛ́ kiim alon a kɛnɛŋ kɛ́ podɛáfɛgɛɛ́ lɛ́ alɛ ugiim.»

Uunə́ən agá Nɛlaamɛʼ nɛ́ Táán, nyɔ́lɛ́ aabosáayɛnɛ pɛ́ʼkáanɛ pɛ́ndɛ́ŋ piim.

Aáság kaágasɛ ná ungim alɛɛ́, náa ɔnɔ́ na pɔ́lɛ́: «Pəŋi, pólóʼkɔd o! Poálɛŋ na kuunə kó tugúm kó mbod ngim kóog náan lɛ́, óyɛɛn na tugúm ɔmbɔ́ tuə́, adɛ́njaŋ tólɛ́ aa tóagɛɛlɛ lɛ́ wɛ́ɛn na ɔlaa.»

Kɛ́lɛ lɛ́, kɛnɔ kɛ́ tugúm toáŋ tólɛɛ́, kɔ tɛn aa ɔʼtɛ́m wááŋ ólɛɛ́.

Ánɛ úmmuʼ a ondáŋ wááŋan aa alɛɛ́ ogɛɛlɛ lɛ́ mədúg mə́ə́ŋ máyáábɛg a ɔlaa lɛ́ alɛ agaáságɛma ə́?

Náa Yə́sus ɔnɔ́ na paaʼkan pə́ə́ŋ: «Kólɛ́ aa ndábodɛ́anɛ nyɔʼkɔ́: Podɛndáŋ kaáságɛmɛla a noá na nkə kɛ́ poánɛ, ɔmbɔ́ lɛ́ na nkə kɛ́ puə́gəə́níig.

Kɛlaŋanan anɛ́ɛ́n na pəŋi pá aálɛŋ ɔmbɔ́ na ɔmban ó tuyə́ən toáŋan a oʼto kɛ́. Podɛʼtámmána anɛ́ɛ́n yoom na yoom. A əngis á Táán, pəŋi pomááyɛn múlundúún muim.

Podɛʼtámmána yoom na yoom, pəŋi póonɛ pá polɛɛ́ wɔnɔ́ ubid ó todóm. Podɛʼtámmána lɛ́ kíígə́mmi Sɛ waaŋan lɛ́ áboyɛ́ʼkɛn Nɛlaamɛʼ.

Pódála na pɛ́ŋáŋaa ə́. Pɛ́dɛ́agóna, pɛ́mbáŋa. Píʼkóodi pɛságɛʼ, pɛ́diɛn na ndúŋ agɛɛ́ngɛgan moom moɔ́bɔn kɔ, kɔmɔɛ́d lɛ́ Táán alɛ agoboomɛ́nɛ. Pɛnɛŋ pɛ́sɛ́g anɛ́ɛ́n na pəŋi pá pomááyɛn pɛsag ə́!

Pəŋi pudinjə́yə́bíí anɛ́ɛ́n. Pudinjə́yə́bíí əguunə pɛnɛŋ piim nkə kɛ́ poánɛ, na nkə kɛ́ poáŋo.

Mbɛ́n yɛ́ a kidun yɛ́ ɛlɛɛ́ lɛ́ nɛ́gɔŋ ɛlɛ kɔ, na koany ná páág a yug, Táán aálɛŋ yɛ́lɛ́ náan əə, pɛnɛŋ pɛ́sɛ́g anɛ́ɛ́n na pəŋi ə́! Kəə́liʼtiniʼ koáŋan kúligi kudom ə́y!

Yiim yɛ́ ɛ́lɛɛ́ a pɛɔsɛ́g ɛ́lɛ́ɛ́ kolon táán. Yɛ́ ɛ́lɛɛ́ a nuníb, pálɛ́ɛ́ kolɛŋ.