Popular Bible Verses from Marcos 2

Share

Jesusasti uc ist'asinjja jupanacarojj sänwa: —C'umaranacataquejj janiw kolliri munasquiti, jan ucasti usutanacataquiw munasejja. Nayajj janiw asqui jakenacar jawsir jutcti, jan ucasti juchararanacar jawsiriw jutta —sasa.

Jesusasti jupanacan iyawsañanïpjjatap yatisinjja suchu jakerojj sänwa: —Wawa, juchanacamajj pampachatäjjewa —sasa.

Jesusasti sascaquïnwa: —Samarañ urojj jaketac uchatawa, jakejj janiw samarañ urutac uchatäquiti.

Jake phokhätap laycu Jesusar jan jac'achasiñjamïpansti, uta techo jartasinwa suchu jakerojj iquiñat warcuntanipjjäna Jesusan nayrakataparu.

Ucampis uñacht'ayapjjämawa Jaken Yokapajj munañanïtapa acapachan juchanac pampachañataquejja —sasa. Uqham sasinsti Jesusajj suchu jakerojj sänwa: —Jumaruw sisma, sayt'asim, iquiñam apthapisim ucatsti utamar sarjjam —sasa.

Aca usut jakerojj ¿cun sañas jasaquïspajja: “Juchanacamajj pampachatäjjewa” sañati, jan ucajj: “Sartam, iquiñama apthapisim, ucat sarjjam” sañacha?

Suchu jakesti ucspachaw sartasin iquiñap apthapisi, ucatsti taken uñjcataraquiw mistuwayi. Uc uñjasinsti takeniw muspharapjjäna, Diosaruw yupaychapjjaraquïna: —Janipuniw cunapachas aqhamjja uñjirïctanti —sasa.