Popular Bible Verses from Mateo 9

Share

Discipulonacaparusti Jesusajj sänwa: “Chekpachansa, cosecha apthapiñajj waljawa, ucampis irnakerinacajj juc'aniquiraquiwa. Mayipjjamaya yapunirojj juc'amp irnakerinaca qhitaniñapataqui” sasa.

Sarjjapjjam, amuyt'apjjaraquim cuntejj uca arsüwejj sañ munqui uca. “Nayajj muntwa jumanacan qhuyapt'ayasirïpjjañama, janiw sacrificionacjja muncti.” Janiraquiw asqui jakenacaru jawsiri jutcti jan ucasti juchararanacar arrepientisipjjañapataqui jawsiriw jutta —sasa.

Walja jakenac uñjasinsti, Jesusajj jupanacatjja qhuyapt'ayasïnwa, jupanacasti wali llaquitäpjjänwa, t'akhesitäpjjaraquïnwa jan awatirin ovejanacjama.

Jesusasti uc ist'asinjja sänwa: —C'umara jakenacajj janiw mä kolliri munapquiti, jan ucasti usutanacawa munapjjejja.

Jesusasti ucapachajj take uca marcana, jisc'a marcanacansa yatichasaw sarnakäna, uqhamarac sinagoganacansa sapa chekana Diosan khespiyasiña arunacapat khanañchasaraqui, take casta usutanacsa c'umarachasaraqui.