Popular Bible Verses from Mateo 10

Share

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Uqhamaraqui qhititejj jan jupa pachpat armt'asisa nayar arcquitu ucajja, janiw nayatacjamäquiti.

“Take qhitinacatï jakenacan nayrakatapan nayaru uñt'itanejja, nayasti juparojj alajjpachanquir Awquejjan nayrakatapanjja uñt'araquïwa. Ucampis qhitinacatejj jakenac nayrakatanjja nayar jan uñt'iri tucunejja, nayasti janiraquiw uñt'cäti alajjpachanquir Awquejjan nayrakatapanjja.

Usutanacarojj c'umaraptayapjjam, lepra usuninacarusti k'omachapjjam, jiwatanacarusti jactayapjjaraquim, ñankha ajayunacarusti alissupjjaraquim. Take acanacsti inaquiw lurapjjäta, ucanac lurañataqui ch'am inaqui catokapjjatam laycu.

Uqhamasti jan ajjsarapjjamti, jumanacajj uca jisc'a jamach'inacat sipanjja wali jila alanïpjjtawa.

“Janiy amuyapjjamti, nayajj acapachar sumancañ churiris jutquirista uqhamjja. Chekpachansa janiw sumancañjja apancti, jan ucasti jan walt'ayasiñanacacwa apantjja.