Popular Bible Verses from Mateo 14

Share

Uqham sarcasinsti amuythapisïnwa thayajj wal thayt'asincatapa, ajjsarañatsti jupa pachpaw umarojj chhakaränttascäna, ucatwa art'asïna: —¡Tata, waysuta! —sasa. Ucspachaw Jesusajj amparapat catusinjja Pedrorojj waysu, ucatsti saraquiwa: —¡Pisi iyawsañan jake! ¿Cunatsa pächasta? —sasa.

Uqham sarcasinsti amuythapisïnwa thayajj wal thayt'asincatapa, ajjsarañatsti jupa pachpaw umarojj chhakaränttascäna, ucatwa art'asïna: —¡Tata, waysuta! —sasa.

Ucampis Jesusajj jupanacarojj saraquïnwa: —Jan ajjsarapjjamti, nayäsctwa —sasa.

Pedrosti juparojj sänwa: —Tata, jumästa ucajja: Uma patanjam jutam sitaya —sasa. Jesusasti juparojj sänwa: —Jutascaquimaya —sasa. Pedrosti botet sarakasinjja jupan ucaruw saräna uma patanjama.

Ucapachawa botenquirinacajj quillt'asisin Jesusarojj sapjjäna: —¡Chekapuniw Diosan Yokapätajja! —sasa.

Jesusasti jupanacarojj sänwa: —Janiw sarjjapjjañapajj waquisquiti, jumanac mank'añ churapjjam —sasa. Jupanacasti ucjjarojj sapjjaraquïnwa: —Pheska t'ant'ampi pä chawllampiquiw utjapjjetu, ucat juc'ampejj janiw utjapquituti —sasa.

Jesusasti saraquïnwa: —Acar apanipjjam, jakenacarusti pastonacar konurayapjjam —sasa. Ucjjarusti uca pheska t'ant'ampi pä chawllampi catusinjja, alajjpach uñtasinwa Diosar yuspagaräna. T'ant'a pachjasinsti discipulonacaparuw laquintäna, ucat jupanacasti take jakenacaruw laquintapjjaraquïna.

Takeniw mank'apjjäna, sist'atäpjjaraquïnwa. Tunca payan canastaruraquiw puchunacjja apthapipjjäna.