Popular Bible Verses from Lucas 17

Share

Uca jakerusti saraquïnwa: —Sartasim ucatsti sarjjam, iyawsatam laycuw c'umarachatäjjtajja —sasa.

Pakallk cutis mä urunjj juma contra juchachaschi ucasa, ucatsti pakallk cutirac jutstam aqham sasa: “Janiw juc'amp juchachascjjäti” sasa, ucatsti perdonañamaquiwa.

Ucatwa jupanacat maynïrejj c'umaräjjasin Diosar jach'at yupaychasa cutt'aniwayäna. Jupasti Jesusan nayrakataparuw quillt'asi, ajanupsa orakcamaw alintäna yuspagarañataqui. Aca jakesti Samarianquirïnwa.

Wal amuyasipjjam. Jilamatejj juma contra juchachaschi ucqhajj ewjjt'am; arrepientisipansti, perdonaraquim.

Ucapachaw Jesusajj juparojj saraquïna: —¿Janit tuncanïqui c'umarachatanacajja? ¿Cawquincapjjesa llätuncanejja?

Tatitusti jupanacarojj saraquïnwa: —Iyawsañanacamatejj utjaspajja, mä mostaz jatjamaquisa, ucat aca sicómoro kokarojj sapjjasmajja: “Acat liwstam, ucat kotar ayruntasim” sasa, uca kokasti jaysapjjeristamwa.

Qhititejj jacañap khespiyasiñ munqui ucajja, apt'asiniwa; ucampis jacañap apt'asirejja khespiyasiniwa.

Jesusajj discipulonacaparojj sänwa: “Utjapuniniw cunanacas jaker juch lurayirejja, ucampis ¡ay cunaquïcani, qhiti jaketejj mayniru juchar puriyqui ucajja! Asquïsapänwa, uca jakejj mä molino kalamp cuncata chinuntasin kotar jakontatäñapajja, aca jisc'anacat maynir juchar puriyañapat sipansa.

Cunjämtejj Noé chachajj jaccäna uca urunacapanjja pasäna, uqhamaraquiw pasani Jaken Yokapan jutañap urunacanjja. Mank'asipcäna, umasipcäna, casarasisipcäna, uqhamarac phuchanacaps casarasiñatac churasisipcäna, Noen arcar mantañap urucama, ucapachaw uma juiciojj purinïna, ucat takeniw jiwarapjjäna.