Popular Bible Verses from MARCOS 13

Share

Naya laykux taqinin uñisit sarnaqapxäta, ukampis khititix tukuykam sayt'kani, ukakiw qhispiyatäni.

“Ukhamasti jumanakax amuyasipxam, suyapxarakim, janiw yatipktati kuna pachas purinin ukxa.

Kunapachatix jilïrinakar katuyapkätam ukkhaxa, janiw llakisipxätati kuntix sapxañamäki ukanakatxa. Jan ukasti kuntix Diosax sapkätam uk parlapxäta, janiw jumanakat parlapkäta, jan ukasti Qullan Ajayuw parlaskani.

Alaxpachampi akapachampix tukusiniwa, arunakaxasti janiw tukuskaniti.

“Ukampis uka urumpita, pachampitxa, janiw khitis yatkiti, alaxpachankir angelanakas janiw yatkiti, Diosan Yuqapas janiw yatkiti, jan ukasti, Dios Awki sapakiw yati.

“Kunapachatix ch'axwanakat ist'apxäta, nuwasiñanakan utjañap yatipxarakïta ukkhax janiw axsarapxätati. Ukham lurasiñapaw wakisi; ukampis ukkhax janïraw aka pachan tukusiñ urupäkaniti.

Ukatsti jupanakax wali amuyumpiw sarnaqapxi, janiw yatipkiti utanin kunür puriniñapsa, inas arumarüchini, chika arumarüchini, wallpa art'arüchini, qhantatirüchini. Ukhamarakiw jumanakax wali amuyumpi suyapxañamaxa, ukatarak akatjamat purinisin ikiskir katjasipkirisma. Jumanakar sapksma ukxa, taqiniruw sarakta, ¡amuyasipxapunim!” sasa.

Mä jach'a markax yaqha jach'a markampiw ch'axwantani, mä marka apnaqiristi yaqha marka apnaqirimpiw nuwasini, uraq khathatinakaw walja chiqan utjani; jaqix janiw kuna manq'añsa jikxatkxaniti. Taqi ukanakasti jach'a t'aqhisiñan qalltapakïskaniwa.

Akapach janïr tukuskipansti, wakisiw nayan qhispiyasiñaxan taqi jaqinakar yatiyatäñapa.

Waljaniw nayan sutixar jutapxani: ‘Nayätwa Cristox’ sasa. Jupanakasti waljaniruw sallqjapxani.

“Ukampis jumanakax amuyasipxam; markan jilïrinakaparuw jumanakarux katuyapxätam, sinagoganakansti jawq'jataw uñjasipxäta. Jumanakarusti nayar arkapxatam laykux, jupanakar nayxat qhanañchapxañamatakiw jilïrinakampina, reyinakampin nayraqatapar irpapxätam.

K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani.

“Khä urunakansti uka t'aqhisiñanak qhipatxa, intix ch'amakt'aniwa, phaxsisti janiw qhankxaniti, warawaranakasti alaxpachat williqtanxaniwa, taqi kunanakatix alaxpachan utjki ukanakas khathatirakiniwa.