Popular Bible Verses from MARCOS 12

Share

Jesusasti juparux sänwa: —Taqi kamachinakat wakiskirïki ukax akhamawa: “Ist'am Israel, jiwasan Tatit Diosasaxa jupa sapakiw Tatituxa. Tatit Diosamaruw taqi chuymamamp munäta, taqi ajayumampi, taqi amuyumampi, taqi ch'amamampiraki”. Ukxarüki uka kamachisti akham siwa: “Jaqi masimarux juma kipkarjamaw munasïta”. Ukanakat sipan janiw kawkïr kamachis juk'amp wakiskirix utjkiti —sasa.

Ukat Jesusax yatiqirinakapar jawsasin säna: —Qhanak sapxsma, aka ijma warmiw taqinit sipan jil churi, mayninakasti jilt'äkis ukatak churapxi, ukampis aka ijma warmix jan kunanïkasinsa qawqhatix jakañapatak utjki ukjpach churxi —sasa.

Mä urusti Jesusax Tatitun utapan qunt'atäskänwa, kawkharutix qullqi uchasipxirïna uka jak'ana, ukansti kunjämtix jaqinakax qullqi churapkäna ukanak uñjäna. Walja qamirinakaw walja qullqi churapxäna. Ukhamaruw mä jan kunani ijma warmix purinïna, jupasti pä jisk'a qullqik churasïna, chanipasti wali juk'akïnwa.

Jupar taqi chuymampi munañasti, taqi amuyumpi, taqi ajayumpi, taqi ch'amampi, ukatsti jaqi masisar jiwas kipkarjam munañaxa, juk'amp askiwa, kuna wilañchatix altaran luqtatäki taqi ukanakat sipana —sasa.

Ukxarusti Jesusax jupanakarux sarakïnwa: —Cesarankki uk Cesarar churapxam, Diosankki uksti Diosarurak churapxam —sasa. Jupanakasti uk ist'asinxa wali muspharataw qhiparapxäna.