Popular Bible Verses from Zvakaratidzwa 20

Share

Kana zita romunhu rikashaikwa risina kunyorwa mubhuku iroro roupenyu, munhu iyeyo anokandwa mudziva riya romoto.

Ndopandakazoona vafi, vakuru navaduku vakamira pamberi pechigaro choumambo. Mabhuku akazarurwa. Kwakazarurwawo rimwe bhuku. Iroro ndiro bhuku roupenyu. Vakafa vakatongwa maererano nezvakanga zvakanyorwa mumabhuku iwayo zvichifambirana nezvavakanga vaita.

Gungwa rakaburitsa vakafa vaiva mariri. Rufu nenzvimbo yavafi zvakaburitsawo vakafa vakanga vari mazviri; vose vakatongwa maererano nezvavakanga vaita. Rufu nenzvimbo yorufu zvakakandwa muzidziva romoto. Urwu ndirwo rufu rwechipiri; dziva romoto.

Ndakazoona chigaro chikuru chichena choumambo naiye akanga agerepo. Nyika nedenga zvakatiza kubva paari zvakabva zvava zvinhu pasina.

Panopera chiuru chamakore Satani achasunungurwa mujeri rake. Achabuda kundonyengedza marudzi ari kumativi mana enyika, Ndivo vana Gogu nanaMagogu achavaunganidzira kurwa hondo vakawanda sejecha regungwa.