Popular Bible Verses from Māa̍ti̍u̍ 22

Share

Mi̍ Chi̍i̍sū di̍mūl ndu̍ āā, “Sāwa̍ hi̍o̍ū kpo̍u̍ wo̍ cho̍ ni̍ āā, ‘Ka̍a̍la̍ Ma̍sānɔ̄ɔ̍ o̍ cho̍ Mɛ̄lɛ̄ka̍ ŋ̄ pīɛ̄īyo̍ wo̍ nyɛ̄ kɛ̄ndɛ̄ kɛ̍ndɛ̍ī. Ka̍a̍la̍ ndu̍ a̍ kɔ̄l nūmndo̍ kpo̍u̍, ndu̍yɛ̍, mā wa̍ yīya᷄ŋndo̍ a̍ ndu̍ o̍kɔ̄ɔ̄ te̍le̍ŋ o̍ te̍le̍ŋ fe̍e̍.’ Sāwa̍ tāso̍o̍ o̍ hi̍o̍ū la᷅ŋ kpe̍de̍ wo̍ ndu̍ cho̍ ko̍ŋ ni̍. Sāwāa̍ dīi̍ŋ ndɔ̄ɔ̍ chō māchūāā mɛ̄ɛ̍ ō tāso̍o̍ chō yɛ̍. Ndu̍ cho̍ ni̍ māā lā kāāla̍ wa̍nāā nya̍ chīɛ̄ɛ̄li̍āŋ nda̍ mɛ̄ɛ̍ nya̍ kāāla̍ nya̍ pi̍la̍ yɛ̍.

Sāwāla̍ Mɛ̄lɛ̄ka̍ ke̍ Mūu̍sē la̍ŋ kpo̍u̍, a̍ sɔ̄ɔ̍ŋ wānāa̍ su̍a̍ā le̍ Mɛ̄lɛ̄ka̍ wa̍ ā dīmu̍l wāŋnda̍ wo̍ŋ, o̍ sāwāla̍ ti̍ɔ̍ɔ̍ŋnda̍ŋ nda᷅ŋ ni᷄ŋ la̍ fūla̍ ni̍.”

Mi̍ Chi̍i̍sū di̍mī o̍ mɛ̄ɛ̄lu̍la̍ŋ āā, “Wāŋnda̍ ta̍u̍ a̍ sɔ̍la̍ vēēlōo̍ ni̍, kɛ̍, ā ti᷄ŋ ko̍ni̍ nda̍ chu̍a̍ ni̍.”

Tē wānāa̍ vi᷅ wa̍ ā hu᷄ŋ mi̍i̍ŋgū yōōmū pɛ̍, ā chu̍ē lɛ̍ ŋ̄lāāndū kɛ̄lɛ̄ŋgāā ŋ̄pīāāndū le̍. Mɛ̄ɛ̍ ki̍i̍la̍a̍ Mɛ̄lɛ̄ka̍a̍ chō yɛ̍, le̍nde̍ ko̍ni̍ nda̍ wā ni̍ŋ ni̍.

La̍ chūu̍ ya̍ ka̍ni̍ŋ nda̍ māl pa̍a̍wāa̍ wo̍ŋ ī pīlɛ̍.” Ma̍ chūū ndu̍ ka̍ni̍e̍i̍. Mi̍ Chi̍i̍sū lo᷅ o̍ ko̍ŋ mbo̍ nyūnā nda̍ āā, “Ō nɛ̄ɛ̍nɛ̍ cho̍ yɛ̄ ō tūūlāā o̍ ka̍ni̍e̍i̍ he̍ī? Dīōla̍ nɛ̄ɛ̍nɛ̍ la̍ cho̍ yɛ̄ la᷅ŋ lā dūāūwāā lo̍ŋ?” Ma̍ mūlūl ndu̍ āā, “Māsā bɛ̍ndōo̍, o̍ cho̍ māsāa̍ kpe̍de̍ bo᷅lle̍ŋ o̍ lɛ̄ŋīī Lu̍o̍ma᷅ŋnde̍ ni᷄ŋ ndo̍, ndu̍ cho̍ ō tūūlāā lēchōo̍ ni̍.” Mi̍ Chi̍i̍sū di̍mūl nda̍ āā, “Mɛ̄ɛ̍ lā pāāwa̍ ma̍sā bɛ̍ndōo̍ nyɛ᷄m cho̍ le̍ ndu̍ wo̍ŋ, ndu̍yɛ̍, mī lā pāāwa̍ Mɛ̄lɛ̄ka̍ nyɛ᷄m cho̍ le̍ Mɛ̄lɛ̄ka̍ wo̍ŋ.”