Popular Bible Verses from Māa̍ti̍u̍ 21

Share

Tē lā nyūna̍ Mɛ̄lɛ̄ka̍ o̍ pīɛ̄īle̍ŋ ni᷄ŋ le̍ nyɛ̄ o̍ nyɛ̄ pɛ̍, ndu̍yɛ̍, mī lā nɔ̄ lāāla᷄ŋndo̍ pɛ̍, tōsāa̍ o̍ to̍sā nyɛ᷅ nya̍ nyūna̍ ko̍ŋ le̍ ndu̍ wo̍ ni̍.”

Mi̍ Chi̍i̍sū mu̍lūl nda̍ āā, “I̍ di̍mūl lɔ̍ nya̍, tē lā nɔ̄ lāāla᷄ŋndo̍ pɛ̍, ndu̍yɛ̍, mī lā kīīsa̍ŋ te̍, lā nɔ̄lā mī lā tōsa̍ nyɛ̄ ya̍ to̍sa̍ a̍ yɔ̄mndo̍ ho̍ō wo̍. Ndu̍yɛ̍, ō fūla̍ wɔ̍ o̍ ko̍ŋ kɔ̍ɔ̍lī, lā nɔ̄lā mī lā dīmu̍l pēmbīī wāā nu̍a̍ā āā, ‘Kɔ̍ mā kɔ̍ de᷅l o̍ pēē mɛ̄ŋmā īhɛ᷄llo̍ ni᷄ŋ,’ ndu̍yɛ̍, ō nɔ̄lā mbō yɔ̄nu̍ŋ.

Mi̍ fāŋga̍ wa̍ ndu̍ kɔ̄la̍ŋ lāchī wo̍ a̍ ha̍ā ndu̍ kɔ̄ɔ̄lī ma̍ sa̍āŋ dēŋīo̍o̍ chōo̍ cho̍o̍, mā dīmī āā, “Sāŋgālāa̍ chō le̍ nūm, Po̍ Māsāa̍ Dēēvi̍o̍o̍. Nu᷄m hi᷅ŋ ho̍ō sɔ̍ŋgɔ̄ Māsānɔ̄ɔ̍ Mɛ̄lɛ̄ka̍a̍ wo̍, Mɛ̄lɛ̄ka̍ dɔ̄ū nu̍m sa̍lā bɔ̄ɔ̍. Lā ŋ̄ sāŋga̍la᷅ŋ Mɛ̄lɛ̄ka̍.”

Mbo̍ lō o̍ ko̍ŋ mbo̍ dīmī āā, “Ī chō ī pōōnyīāā o̍ Yāu̍ Mɛ̄lɛ̄ka̍a̍ ni᷄ŋ māā Mɛ̄lɛ̄ka̍ dīmi̍ āā, ‘Wāŋnda̍ vēēlū ni̍ŋ chi̍ɛ̍ī nūu̍ āā, chīɛ̄ī pīɛ̄īyāa̍ Mɛ̄lɛ̄ka̍a̍. Kɛ̍, mi̍ nya̍ sīīŋgu̍u̍ ndu̍ fo̍ndāŋ vīīya̍ vīāŋnūŋ ndo̍.’ ”

“Lā dīmu̍l wa᷅ŋnda̍ Sa̍a̍yɔ̄ŋ chi̍e̍e̍ āā, ‘Lā tōfa̍ wɔ̍, Māsā nya̍a̍ chō hūnɔ̄ɔ̍ nāa̍ nya̍ chūā. Ō chō wānā tu̍sīa̍ŋ bɛ̍ndū. Ō chō hūnɔ̄ɔ̍ o̍ sōfɛ̍lɔ̍ɔ̍ chōo̍. O̍ sōfɛ̍lɛ̍ fɔ̍ŋndɔ̍ɔ̍ chōo̍ o̍ cho̍ hūnɔ̄ɔ̍ ni̍.’ ”

Mi̍ Chi̍i̍sū nyu̍nā nda̍ āā, “Dīo̍m Mɛ̄lɛ̄ka̍ so̍o̍nu᷄ŋ o̍ Yāu̍ Mɛ̄lɛ̄ka̍a̍ ni᷄ŋ ndo̍, bāā lēpīlɛ̍ bɛ̍ɛ̍ lā tōfa̍ wɔ̍ le̍ni̍ŋ te̍? Mi̍ Yāu̍ Mɛ̄lɛ̄ka̍a̍ dīmī lo̍ŋ māā, pōū wānāā tāŋgūlāa̍ kɛ̄ɛ̍ māā ō ni᷄ŋ te̍ wo̍, ndu̍ si̍mnu᷄ŋ ni᷅ŋ pōū kpe̍e̍kpe̍i̍ sa̍a̍ tāŋgūllo̍ wo̍ ni̍. Māsānɔ̄ɔ̍ Mɛ̄lɛ̄ka̍ ndu̍ to̍sa̍ sūɛ̍i̍ he̍ī ni̍. Ndu̍yɛ̍, he̍ī chō sūɛ̍i̍ kɔ̄ndɔ̄fi̍li̍i̍ bɛ̄ndū na̍a̍ o̍ hɔ̄l.

“Le̍la̍ŋ, mī di̍mu̍l nya̍, fo̍nda᷄ŋ wa̍ le̍ nya̍ o̍ māsāle̍ Mɛ̄lɛ̄ka̍le̍ŋ ni᷄ŋ ndo̍, Mɛ̄lɛ̄ka̍ chō nya̍ fo̍ndāŋ kōŋ pōōndā o̍ bā. Ō pōōnda̍ pɛ̍, ō ke̍ wānāā chēle̍ŋ a̍ to̍sā ni̍ŋ ka̍ā ndu̍ Mɛ̄lɛ̄ka̍ hɛ̄na̍ŋ ndo̍ wa̍. [