Popular Bible Verses from Lu̍kū 9

Share

Mi̍ Chi̍i̍sū di̍mūl wāŋnda̍ kpe̍de̍ āā, “Wānā o̍ wāna̍ hɛ̍na̍ŋ le̍ wāa̍ wāna̍ nī pɛ̍, mɛ̄ɛ̍ wānā ko̍ŋ ō to̍sā hɛ̄na᷄ŋ kɔ̄l ndɔ̄ɔ̍ le̍. Ndu̍yɛ̍, wānā ko̍ŋ nɔ̄ mbō wa̍ ō bɛ̄ɛ̄ndīa̍ŋ le̍pa̍a̍ ō lēpāa̍ le̍ mā dīī ndu̍. Ndu̍yɛ̍ o̍ ko̍ŋ kɔ̍ɔ̍lī, mbō sīmnu᷄ŋ bu̍ɛ̍ī nī.

Kāni̍, wānā o̍ wāna̍ ki̍ndi̍ le̍ yōōmū ndɔ̄ɔ̍ chīīndīa̍a̍ pɛ̍, mɛ̄ɛ̍ ō chō yōōmū kpe̍e̍kpe̍i̍yo̍ fūlā. Kɛ̍ ndu̍yɛ̍, wānā o̍ wāna̍ yōōmū ndɔ̄ɔ̍ hɛ̄lu᷄ŋ ndu̍ le̍ ya̍ pɛ̍, mɛ̄ɛ̍ ō chō hūnɔ̄ɔ̄ yōōmū kpe̍e̍kpe̍i̍yo̍ sɔ̄lā.

Mi̍ Chi̍i̍sū di̍mūl ndu̍ āā, “Wānā o̍ wāna̍ ka̍ndu̍ wa̍llo̍ o̍ māsāle̍ Mɛ̄lɛ̄ka̍le̍ŋ bɛ̄ŋgu̍ pɛ̍, kɛ̍ mbō sāa̍ yēēmɛ̍i̍ le̍ sɔ̄ɔ̍ŋ wɔ̍ɔ̍ŋ ndu̍ o̍o̍ to̍sā pa̍a̍ndū wo̍ŋ mīīŋgū tōsāa̍ pɛ̍, mɛ̄ɛ̍ ō bɛ̄nda̍ le̍ wa̍llo̍ tōsāa̍ o̍ māsāle̍ Mɛ̄lɛ̄ka̍le̍ŋ bɛ̄ŋgu̍ le̍.”

Kāni̍, tɔ̄nɔ̍ yɛ̄ɛ̍nɛ̍ wāŋndo̍ sɔ̄lā yɛ̍, tē ō wa̍ pɛ̍ mbō sɔ̄la̍ chi̍e̍ēŋndo̍ ho̍ō kpo̍u̍, kɛ̍ o̍ ko̍ŋ kɔ̍ɔ̍lī, mbō fūla̍ yōōmū kpe̍e̍kpe̍i̍yo̍?

Ya̍ wāna̍ nda̍ vēēlū ho̍ō āā, Po̍ Wānā Pɔ̍nɔ̍ɔ̍ wo̍ I̍ cho̍ hūnɔ̄ɔ̄ o̍ nāŋɔ̄ɔ̄ nūu̍ ni᷄ŋ, a̍ o̍ nāŋɔ̄ɔ̍ Fi̍nyā nūu̍ ni᷄ŋ, a̍ nāŋɔ̄ɔ̍ ki̍i̍la̍a̍ Mɛ̄lɛ̄ka̍a̍. O̍ ko̍ŋ, wānā o̍ wāna̍ kɛ̍ɛ̍ ya̍ te̍le̍ŋndo̍ ho̍ō pɛ̍, ndu̍yɛ̍, mbō kɛ̄ɛ̍ dīōmndā nīla̍ŋ pɛ̍, wānā ko̍ŋ, I̍ cho̍ hūnɔ̄ɔ̄ ndu̍ kɛ̄ɛ̄.

Mi̍ Chi̍i̍sū lo᷅ lo̍ŋ, mbo̍ dīmūl ndu̍ āā, “Vīsīāā yōndūa̍a̍ nɔ̄ fo̍ndāŋndā lɔ̄lāāla̍ŋ la̍ nda̍la̍ŋ. Yōūwa̍ bɛ̍ɛ̍ ā nɔ̄ wāa̍ŋnde̍ le̍ lūa̍a̍ŋ lēni᷄ŋ. Kɛ̍, wāna̍ nda̍ vēēlū āā, Po̍ Wānā Pɔ̍nɔ̍ɔ̍ wo̍ ō nɔ̍ fo̍ndāŋ o̍ hi̍nī mbō lɔ᷄l te̍.”

Mbo̍ dīmūl nda̍ āā, “Wānā o̍ wāna̍ chɛ̍l chūāāmbɔ̄ wāā nu̍a̍ā pɛ̍ le̍ mɛ̄ɛ̍ ŋ̄ chō bu̍ɛ̍ī nī yɛ̍ pɛ̍, mɛ̄ɛ̍ ya̍ ŋ̄ chɛ᷄l ko̍ŋ ni̍. Ndu̍yɛ̍, wānā o̍ wāna̍ chɛ̍l la̍ pɛ̍, mɛ̄ɛ̍ wāna̍ ve᷅m ya̍ wo̍, ndu̍ ŋ̄ chɛ᷄l ko̍ŋ ni̍. Kāni̍ fo̍ndōle̍, wāna̍ cho̍ ō pɔ̄mbɔ̄ nya̍ tɛ̄ɛ̄ŋ kpe̍de̍ wo̍, ndu̍ cho̍ wānā ba̍nā kpe̍e̍kpe̍i̍yo̍ ni̍.”