Popular Bible Verses from Màteo 6

Share

Ye ŋutia, mì ji Mawu be fìɔɖùɖua ku yebe jɔ̀jɔɛ nyinyia jè ŋùkɔ̀, eye wo la sɔ ènu kèawo kpata kpe è na mì.

Eŋuã, mì mu gbà ci flima ɖo èsɔ̀ kè gbãnà a ŋuti ò; ɖo èsɔ̀ kè gbãnà a, la va ku ye ŋutɔ be èhiãwo. Gbè sia gbè be àgbàgba jèje sù na ye ɖokoe.”

“Ye ŋutia, mù le to na mì be mì mu gbà ci flima ɖo ènu kè mì la ɖù, ku ènu kè mì la nù, sɔ nɔ̀ àgbè a ŋuti ò. Mì mu gbà ci flima ɖo àvɔ kè mì la tà ku ènu kèwo mì la do a ŋuti ò. Àgbè mu wu ènu ɖùɖua? Eye ŋutilã cã mu wu àvɔa?

Vɔ̀ èwò yaa, ne wò le fãkuea, yì àpo èxɔ̀ gã mè, ne wòa tu èhɔ̃a. Fã yɔ Ètɔ wò kè lè wawla mèa, eye Ètɔ wò kè kpɔna ènu lè wawla pèa, la ɖo e tèpe na wò.”

Àlekè mì ɖo la nɔ fãkue a ye nyi ekè: 'Mia Tɔ kè lè jiŋùkusia, àpo nyikɔ ŋuti ne kɔ̀ Àpo fìɔɖùɖua ne va. ne wo a wɔ àpo jronu lè ànyigbãa ji, sìgbè àlekè wo wɔ̀nà ɛ̀ lè jiŋùkusia nène.

Na mi egbèa, miabe ŋùkèkè-nuɖùɖu

wòa sɔ miabe àgɔ̀ jèjewo sɔ kè mi, sìgbè àlekè mi sɔ kènà àmè kèwo dà lè mia jia nène.

Mù gbà na mia jè tètèkpɔ mè ò, vɔ̀a, ɖè mi to lè èvuɛ̃ gbɔ. [Đo tɔ̀ wò ye nyi fìɔɖùɖua, ku ŋusɛ̃ ku gogo, kaka sɔ yì. * Àmèn.]'”

“Đo ne mì sɔ àmèwo be dàdawo kè woa, mìa Tɔ kè lè jiŋùkusia la sɔ mìabe dàdawo kè mìa cã.

Mì kpɔ àyamè xèviwo ɖa! Wo mu dona ènu ò, wo mu yànà ènuku, bɔ̀nà ɖo àvàwo ji ò. Gãke mìa Tɔ kè lè jiŋùkusia nana wo ènu ɖùɖu. Mìawo yaa, mì mu lè veve ɖe na ɛ̀ wu xèviwo òa?

“Mì mu gbà bɔ̀ àdɔ̀kùnuwo na mìa ɖokoewo lè xixe kèa mè, àfi kè èye ku èŋɔ gblena ènu lè, àfi kè fìãfìwo gbãnà èhɔ̃, fĩnà ènu lèa ò. Vɔ̀a, mì bɔ̀ mìabe àdɔ̀kùnuwo ɖo jiŋùkusi, àfi kè èye ku èŋɔ mu gblena ènu lè, eye fìãfìwo cã mu gbãnà èhɔ̃, fĩnà ènu lè ò. Đo àfi kè àpo àdɔ̀kùnuwo lèa, ye àpo èjì cã la nɔ̀.”

“Àmè ɖekpe mu teŋu sumɔ àpetɔ èvè ò. E la lɔ̃ ɖèka eye be la crì èvègɔ̃a. Àlo e la tɛ ɖo ɖèka ŋuti eye be la gbe èvègɔ̃a. Mì mu teŋu sumɔ Mawu la gbà nɔ sumɔ ègà ò.”

Eŋuãa, ne Mawu ɖo àcɔ na ègbe kè lè àve mèa nène, ègbe kè le ètè egbè, eye èsɔ̀ kè gbãnà a, wo la kɔ̀ ɛ̀ ɖo èzò mèa, mu la na mìawo yaa ènu kèwo mì la do a wua? Aò, mìa xɔ̀sèvitɔwo!

Vɔ̀ ne wò le na ènu àmèa, mù gbà na àpo èmìɔ̃-lɔ ne nya ènu kè àpo ɖùsi-lɔa le wɔ̀ ò. Na be ènu nana wòa ne nyi lè wawla mè, eye Ètɔ wò kè kpɔna ènu kè lè wawla mèa, la ɖo e tèpe na wò.”

“Mì mu gbà nɔ wɔ̀ ènu kèwo mìabe sɛ̃sɛ̃ ɖo na mìa, àgbãŋùgbà ne àmè sia àmè bèa nɔ kpɔ ò, ɖo ne nène ye mì wɔ̀nàa, mì mu la kpɔ àjɔ̀ ɖekpe xɔ̀ so mìa Tɔ kè lè jiŋùkusia gbɔ ò.

“Ne mì le bla ènua, mì mu gbà nɔ wɔ̀ ŋùmè kpɔ̃ɔ̃ sìgbè àlekè àyèmènuwɔ̀tɔwo wɔ̀nàa nène ò; wo wɔ̀nà ŋùkumè ɖo ɖe, ne àmèwo kpata ne nya be yèwo le bla ènu. Nyàwo mù le tɔ na mì: wo xɔ̀ woabe àjɔ̀ vɔ̀ xoxo. Vɔ̀a, èwò yaa, ne wò le bla ènua, jrà ɖokoe wò ɖo; fũ ŋùmè, si àmì hɔ̃hɔ̃ɛ ɖo èta, ne àmè ɖe mu gbà nya be wò le bla ènu, sɔ wu Ètɔ wò kè lè wawla mèa ò. Ètɔ wò kè kpɔna ènu lè wawla mèa, la ɖo e tèpe na wò.”