Popular Bible Verses from Èdɔwɔ̀wɔwo 1

Share

Vɔ̀ ne Gbɔ̃gbɔ̃ Kɔ̀kɔ̀ɛ a va mìa jia, mì la xɔ̀ ŋusɛ̃, eye mì la nyi ɖàsèfo nyèwo lè Yèruzàlɛm, lè Yudeà be àgowo keŋu ji, kudo Sàmarìa kaka sɔ yì xixea be nukpòpewo.”

Yesù ɖo e ŋuti na wo be: “Hùenu kè be la nyia, gà kè mè ye be la nyia, Mawu Àta ɖo è lè yebe ŋusɛ̃ mè; mu nyi mìabe ènyà ò.

Wàlɛbɛ kè be le ɖù ènu kudo wo gbè ɖèkaa, e biɔ so woa si be: “Mì mu gbà jo lè Yèruzàlɛm ò, vɔ̀ mìa nɔ̀tè kpɔ ènu kè Àta fìã, eye mù gblɔ̃ na mìa. Đo Yòhanɛ̀s sɔ èsì lè mawusi na àmèwo, vɔ̀ mìawo yaa, mu la dìdì ò, wo la sɔ Gbɔ̃gbɔ̃ Kɔ̀kɔ̀ɛ lè è na mì.”

*Àmèdɔ̃dɔ̃ kèawo ye Yesù ɖè ye ɖokoe fiɔ lè yebe èku yomè. E ɖè ye ɖokoe fiɔ wo, to èmɔ sùgbɔ nu, be Yè lè àgbè, eye, ŋùkèkè èkà sɔ̃ŋua, e to ɖo woa ji, pònà nupo na wo so Mawu be fìɔɖùɖu ŋuti.

Eye ekè be gblɔ̃ ènyà kèawo vɔ̀a, wàlɛbɛ kè wo le kpɔ ɛ̀a, wo kɔ ɛ̀ yì jiŋùkusi, eye lili ɖe bu ì lè woabe ŋùmè.

Wàlɛbɛ kè wo kpɔ̀tɔ̀ le kpɔ jiŋùkusi ɖoɖa, gà kè mè Yesù jo le yìa, ŋusù èvè ɖewo, lè àwù ɣe mè, to ɖo woa ji, gblɔ̃ na wo be: “Galileatɔwo, nukɛ be tè ye mì gbà kpɔ̀tɔ̀ lè, lè fikèa, le kpɔ jiŋùkusi ɖoɖa nène ò? Yesù kèa, ekè wo kɔ jo lè mìa gbɔ yì jiŋùkusia, la gbà va sìgbè lekè mì kpɔ ɛ̀, be yì jiŋùkusia nène.”