Popular Bible Verses from Matthieu 24

Share

Tikpitil làá dāá wíiǹ, an puee, binib tikpil neendi làá dāá sɔ̀ŋkì. Ama un di yaa pɔ́ɔǹ mmɔntiimin ki tin kátì-kuee di dāa ŋmátí.

Bi dāa sòoǹ Unimbɔti Beel bɔmɔntiiti nee kitiŋ jaŋŋi kɔkɔ pái, án nīn sá seera kí tīī atimbun kɔkɔ kí wàatī ní duulinya ń nín kúntí.»

Ni làá dāá gbìl̄ bi sòoǹ tijáti tin bi bíi jáàyee nì tin gíti bí ki dòońee bɔti ama, ní nīn nyíǹ ni-ba ni-pɔbiliŋ ń taa bīil̀. An máaǹ tíǹ kɔkɔ ń bàń, ama niin kaa dá láá sá duulinya kúntitam.

Ditimbundi diba dāa yíkí kí jáǹ diba, ní dibeel diba yab mun ń jáǹ diba. Ŋkùm làá dāá nyā, ní kitiŋ ń dāá cìŋkì ajan kupaau pu. Tíǹ kɔkɔee dāa sá kii imatiŋween nín kífí puee ní.

Kutagbɔŋu nì kitiŋ dāa bí kí kúntí, ama man bɔti kpá kí kúntí jaanjaan.»

Di sá yii binib tikpil làá dāá dū man yindi kí kpántí bi-yaŋ kí lì yii bíǹ di sá <Meesiya> ní ki làá dāá kīil̀ binib tikpil.

«Binib làá dāá cúú-ni kí tīī bí sàaǹ-ni ní kí kpɔ̀-ni. Atimbun kɔkɔ nib làá dāá nīn ná-ni ni nín fōō man ki kííyee pu. Ŋyunti gbantee, binib tikpil làá dāá fá bi-fookiiu un bi cáá man puee, kí nīn kíǹ ki nyáfí tɔb ki ná tɔb. Bin yíì bi-ba yii Unimbɔti bɔnaatiliibi kin kaa sée làá dāá dāan̄ kí ŋmàtiǹ binib tikpil mun.

Niinee ní Yeesu kíí-bi yii: «Ní nīn nyíǹ ni-ba ubɔ ń taa ŋmàtiǹ-ni.

Míǹ puee, ni mun bɔ́ntímaan kí nīn cí, kun puee man Kinibiki làá dāan̄ kukúluu kun naa dàkafī yii m làá dāan̄ee ní.»

An puee, ní taa nín̄ gèem̀maan, kun puee naa nyí ŋwiin ŋun ní ni-Dindaan làá fàtīí gítińee.

«Báà ubɔ kaa nyí ŋwiin nì kukúluu kun ni an bɔti làá bàńee. Unimbɔti tuuŋyi in bí yilpuee kaa nyí, man u-Jipɔɔn gba kaa nyí, see Ubaati Unimbɔti baba di nyí.

Di sá yii, bin làá dāá mɔ̄ntì yii bíǹ di sá Meesiya nì Unimbɔti bɔnaatiliibee, làá dāá nyā ki ŋáań tikpaŋkpantiil nì maamaaci tuuŋŋi ki nyàab̀ bi yaa ŋūǹ kí ŋmàtiǹ bin Unimbɔti lútèe gba.

Tin nìn jítì Noowa yuntiŋuee, man Kinibiki yaa làá dāá dāan̄ee, míǹ mbaantiim di làá tí jītí. Kí wàatī nnyiŋgbeen ń bàńee, binib nìn jīǹ ki nyù, ní ki cāab̀ binimpoobi ki cáá bi-bisalib ki pūǹ ticati, áli Noowa dāa kpáàa kɔ́ meelan, ní baa kpáàa béè kun dɔ̄ ki cí-bee ní nnyiŋgbeen dɔ́miń ki yōoǹ bi-kɔkɔ. Míǹ mbaantiim ní man Kinibiki yaa làá dāá dāan̄ee, án làá ŋá.