Popular Bible Verses from Luc 4

Share

«Ti-Dindaan Fam bí m-pu, u lēē-mi ḿ sòoǹ tibɔmɔntiil kí tīī biwɔfib. U túnní-mi ḿ bāakì kí tùkù bisarkadambi yii Unimbɔti làá líí-bi, kí tùkù bijɔfub mun yii bi làá wāl̀, kí tùkù bin bi sàantée yii bi làá ká dibatɔl, kí tùkù binib yii ŋyunti nee ní ti-Dindaan làá sɔ̄ bi-saai.»

Ní Yeesu kíí-u yii: «An ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní án sá á jāam̀, ní kí nīn bí úǹ baba tundin.>»

Ní Yeesu yíì ní ki kíí-u yii: «Unimbɔti gbɔŋku poon lī yii: <An kaa sá tijin dijil ŋmaniŋma di yì unil maŋfal.>»

Yeesu gbí Unimbɔti Fam ki nyánní Jɔɔdan, ní Ŋfamee cáá-u ki cūnnì kuteeun.

Ní Yeesu yíì ní ki bí-u yii: «Unimbɔti gbɔŋku lī yii: <Á taa cɔ̄ŋkì ti-Dindaan a-Nimbɔtiu.>»

Sitaan cɔ́ŋkì Yeesu isan kɔkɔ pu ki dóòyee, ní ki búntì kí nīn tí cí ŋyunti ŋubɔ.

Niinee ní Sitaan yōoǹ Yeesu ki jɔ́m̀ yilpu, ní ki yāntì u kpēē duulinya beeŋi kɔkɔ dicilpu, ní ki bí-u yii: «M làá dū mpɔn gbanti kɔkɔ nì abee gbanti nyooti kí tīī-si, kun puee man ní bi dū an wanti kɔkɔ ki tīī, ní ma mun yaa là uŋyee ní ḿ tīī. Míǹ puee, a yaa gbāaǹ ki jáam̀ man, sii di làá nīn kíǹ ki yì an kɔkɔ.» Ní Yeesu kíí-u yii: «An ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní án sá á jāam̀, ní kí nīn bí úǹ baba tundin.>»

Míǹ boonee ní Sitaan yōoǹ-u ki cáa cūnnì Jeerusaleem, ní ki cáá-u ki tɔ́kɔ́ǹ kunimbɔtidii yilpu kúnti kunti, ní ki bí-u yii: «A yaa sá Unimbɔti Jipɔɔn, á yùkū kí tìin̄ní tiba kaa làá ŋá-si, kun puee an ŋmàn̄ Unimbɔti gbɔŋku poon yii, <Unimbɔti làá yàntī u-tuuŋyi ń nīn cí-si.> Ní ki gíti bí yii: <I làá nīn tíkí-si i-ŋaan a-taal ń taa gbéetí ditaŋkpal.>» Ní Yeesu yíì ní ki bí-u yii: «Unimbɔti gbɔŋku lī yii: <Á taa cɔ̄ŋkì ti-Dindaan a-Nimbɔtiu.>»