Popular Bible Verses from Luc 3

Share

Báà ŋma nìn cá bi fùul̀-bi Unimbɔti nyim. Yeesu mun nìn fùl̄ Unimbɔti nyim. U fùl̄ ki bíi mèéyee, kutagbɔŋu cúu pīitì, ní Unimbɔti Fam kpákatìń u-pu ki náań nì dibeenanjil ní bi gbìl̄ Unimbɔti sòon̄ní kutaa pu yii: «Sii di sá man Jipɔɔn un m néeń tikpilee, sii ní m-pɔbil fáatì.»

Niinee ní Yoowaneesi bí bi-kɔkɔ yii: «Man fùul̀-ni nì nnyim ní, ama ubɔ dòoń, u-pɔŋŋu jítiǹ man yɔŋu. Man kaa kpántì kí nīn sá u-yumbuu kí kútí u-naataaŋmiii gba. Úǹ di làá dāá fàl̀-ni nì Unimbɔti Fam nì ŋŋmi.

Lòom̀maan abil ŋin dàkà yii ni kpántì ni-bimbimee, kí taa nín̄ kā ki dàkafī yii Abraam sá ni-naanja! M tùkù-ni ibaamɔn ní, di sá Unimbɔti ŋūǹ kí dū ataŋkpee nee kí kpántí Abraam naantiibi.

Áli gba, Unimbɔti bɔ́ntì kicɔkɔ ki bíl̀ isufi taapu: busubu bun kamaa yaa kaa lòoǹ abimɔntee, bi làá gāā-bu kí tɔ̄ ŋŋmin.»

An nóó nì Unimbɔti bɔnaatiliu Yeesaya nín ŋmàn̄ u-gbɔŋku poon puee yii: «Ubɔ báakí kuteeun yii: Bɔ́ntímaan ti-Dindaan saŋŋu kí tàntīmaan u-sàmbiyaamu kí cīití-u. Atantaka kɔkɔ làá dāá gbīŋkì, ajoon nì ŋgbantamu kɔkɔ làá bìtī. Asaŋgɔŋgɔl làá tàntī. Isan in cáá abɔbil abɔbilee làá ŋāŋkì. Ní báà ŋma ń dāá ká Unimbɔti nín fìil̄ binib puee.»