Popular Bible Verses from Lûk 7

Lûk 7:47-48

Mundani

Maa shua awê nê, ngɨŋa èkɔŋ tà nyɨꞋte la, è nyɨꞋtè nê, Mbɔ̧ɔ̧mà e waꞋa ènyaꞋne kàbɔ̀ŋ tò. Ka waa waa tà ye nê ye bakà ghɨ a kàbɔ̀ŋ ko nyaŋ Mbɔ̧ɔ̧mà nàa waꞋa la, nàà nyɨ̀Ꞌta wuê adziꞋi èkɔŋ.” Yesò làꞋ ale, è shu abua àvi mbɔŋ nê, “Mâ waꞋa kàbɔ̀ŋ wê.”

Compare

Explore Lûk 7:47-48

Lûk 7:50

Mundani

Ka Yesò, shu abua àvi wu nê, “Ghȩ̀ȩ̀ne ntsɔ̧̀, à peme ndɔ̀ kàbɔ̀ŋ wê ndɨ̀ wu à zǐ èntɨ̧ɨ̧ wê ane yaã la.”

Compare

Explore Lûk 7:50

Lûk 7:38

Mundani

ntɨ̧ɨ̧ àdziꞋa Yesò wù la, me dɨ̌, mèsi tò me chua shùa èka tò. Tà ŋɔ̀Ꞌne a si ndzòò èka tò bu ane nyemtetsə ti, èsènè ndɔ̀Ꞌ ndzɔꞋ ane mèwet mu.

Compare

Explore Lûk 7:38

Lûk 7:7-9

Mundani

È nka mě nkùꞋ we màa kɔꞋɔ a mbì lê a nkèm yaã la. Bê ndàꞋ èngà̧, ko wafàꞋ am naa peme. Mmɔ̌ mbɔŋ e ngu a èten bètǎt bèshujà ko, mè mbɔ̀ èbeko nè bèshujà a èten laã. Màa ngɨ̀ e shu abua waa nê ‘Ghǎ’, tà ghà, shu abua via nê ‘KɨꞋɨ’, tà kɨ̀Ꞌɨ̂, shu abua àbùꞋ am nê ‘Ghɨ àghɨ yaa’, tà bê ngɨ̀.” Mbɨ̀Ꞌɨ̀ Yesò zə èngǎ̧ tò wu la, a bê ntsè atò, tà shu abua banɔ̧̀ bu nkùŋà vi la nê, “Maa shua wɨ̧ nê, e mbakà ye wòt kǒ ka wuê ayɔɔ bòt Izəèlȩê tà bɔ ngɨŋa ntɨ̀ yaa mbê waa è bɔ ane yaã la.”

Compare

Explore Lûk 7:7-9

Lûk 7:21-22

Mundani

ÀfɨꞋa mbɔŋ Yesò bə èwuu èghɔ̧ nyaŋ, mè fəè fote kàbɔ̀ŋ ane bòt, ngɨ̀à bòt àghɨ àleme e yea èdziꞋ. Tà bɨ̀ɨ̀lè èngǎ̧ bɔkatè Jɔ̌n bu nê, “Bɨ̀ kua akwèn ngà shu a Jɔ̌n àghɨa bɨ zə la nè àyea bɨ ye la: Bòt àghɨ àleme e ye èdziꞋ, bòt èka bɔb e ŋɔꞋte la, e lɔꞋ tè ntsiꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Compare

Explore Lûk 7:21-22

Popular Bible Verses from Lûk 7Share

Free Reading Plans and Devotionals related to Lûk 7

Popular Bible Verses from Lûk 7