Popular Bible Verses from FAATAOTO, 10

Share

O le faamanuia a Ieova, o lea e faatamaoaiga a‘i; na te le faaopoopo i ai se tiga.

O le tele o upu e le oge solitulafono ai; a o le ua taofi ona laugutu, o le tagata poto lea.

O le ‘ino‘ino e faatupu ai misa; a o le alofa e ufiufi ai solitulafono uma lava.

E mativa le ua galue ma le lima vaivai; a o e lima malosi e mauoa i latou.

Ua i le ala o le ola o lē tausi i mea e a‘oa‘oina; a o le ua tuua le aoaiga, ua sese lea.

O lē savali i le amiotonu, ua savali ma le saogalemu o ia; a o lē faapiopio ona ala, e faaalia o ia.

O le mata‘u ia Ieova e faalevaleva ai aso; a o tausaga o e amio leaga, e faaitiitiina ia.

E le faalāina e Ieova o e amiotonu; a o le manao o e amio leaga, e teena lea e ia.

E pei ona mavae atu o le asiosio, ua faapea foi le ua amio leaga ona leai; a o lē amiotonu, ua i ai faavae e faavavau.