Popular Bible Verses from MAREKO, 9

Share

Ona fetalai atu lea o Iesu ia te ia, Afai ua e mafaia ona faatuatua, e mafaia mea uma lava i lē faatuatua.

Ona alaga loa lea o le tamā o le tama, ua fai mai ma le tagi, Le Alii e, ua ou faatuatua; ia e fesoasoani i lo‘u le faatuatua.

Ua maliu ane Iesu i le fale, ona fesili lea o ona soo ia te ia ina ua na o i latou, Se a le mea na matou le mafai ai ona tulia o ia? Ona fetalai atu lea o ia ia te i latou, Ua na o le tatalo ma le anapogi e mafai ai ona ō ese o mea faapena.

O le mea lelei le masima, a e afai e magalo le masima, se a se mea tou te faamāi a‘i? Ia ia te outou le masima, ma ia fifilemu outou ia te outou.

Ai sē talia se tama itiiti faapenei i lo‘u nei igoa, ua talia e ia o a‘u; ai se talia a‘u, e le o a‘u ua ia talia, a o ia na auina mai a‘u.

O se na te avatua foi se ipu vai ia te outou i lo‘u nei igoa, auā e o Keriso outou; e moni, ou te fai atu ia te outou, e le māumau ia te ia lona taui.

Ai se na te faatausuaiina se tasi o i latou nei i faatauvaa o e faatuatua mai ia te au, e lelei ia te ia pe ana noatia se maaolo i lona ua, ma lafoina o ia i le moana.

A faatausuaiina foi oe e lou mata, ina sali ese ia; e lelei ina e sao i le malo o le Atua ma le mata e tasi, a e leaga ona lafoina oe ma ou mata e lua i le afi o Kēna