Popular Bible Verses from MAREKO, 10

Share

Auā foi o le Atalii o le tagata na le sau o ia ina ia auauna tagata ia te ia, a e peitai ia auauna o ia, ma foaiina atu lona ola o le togiola e sui a‘i tagata e toatele.

A ua silasila atu Iesu ia te i latou, ua faapea atu, E le mafaia e tagata, na o le Atua; auā e mafaia mea uma e le Atua.

Ona fetalai atu lea o Iesu ia te ia, Ina alu ia; ua e ola oe i lou faatuatua. Ona vaai loa lea o ona mata; ona mulimuli atu ai lea o ia ia Iesu i le ala.

o lenei, o e ua faatasia e le Atua, aua le faate‘aeseeseina e se tagata.

Ua silasila atu Iesu ia te ia, ua alofa atu ia te ia, ua fetalai atu foi ia te ia, E tasi le mea e le o ia te oe. Ina alu ia, faatau atu au mea uma, ma avatu i e ua matitiva, ona e maua lea o le oa i le lagi; i le ē sau ai, ma ave le satauro, a e mulimuli mai ia te au.

Ona fetalai atu lea o Iesu, ua faapea atu ia te ia, Se a se mea e te manao i ai ou te faia ia te oe? Ona fai mai lea o le tauaso ia te ia, Raponi e, ia vaai o‘u nei mata.

a o se fia sili ia te outou, ia fai o ia ma a outou auauna

E moni, ou te fai atu ia te outou, Ai se le talia le malo o le Atua faapei o se tama itiiti, e le sao lava ia i ai.

A e peitai e toatele o e ua muamua e avea ma mulimuli; o e ua mulimuli foi e avea ma muamua.

a e peitai talu le amataga o mea na faia, na faia i laua e le Atua o le tane ma le fafine. O le mea lea e tuua ai e le tane lona tamā ma lona tinā, a e faatasi ma lana avā, ona avea lea o i laua ma tino e tasi; o lea e le toe toalua ai i laua, a e peitai ua tino e tasi