Popular Bible Verses from MAREKO, 13

Share

E inosia foi outou e tagata uma ona o lo‘u igoa; a o lē tumau seia oo i le iuga, e faaolaina lea.

Ia outou, ina mataala ia ma tatalo, auā tou te le iloa pe oo mai afea ia aso.

Pe a latou ta‘ita‘iina ma tuuina atu outou, aua ne‘i muai manatu i sa outou e fai atu ai, aua foi le lua‘i fatufatua‘i; a o se mea e foaiina ia te outou i lena itu aso, o lea tou te fai atu ai; auā e le o outou e fai atu ai, a o le Agaga Paia.

E mavae atu le lagi ma le lalolagi; a e peitai a‘u upu, e le mavae lava ia.

A o lea aso ma lea itu aso e le iloa e se tasi, e le iloa lava e agelu i le lagi, po o le Atalii; ua na o le Tamā lava.

Pe a tou faalogo i taua ma tala o taua, aua tou te atuatuvale; auā e tupu lava ia mea; a e lei oo i le gataaga.

O lea, ia mataala ai outou; auā tou te le iloa po o afea e sau ai le Alii o le aiga, po o le afiafi, po o le tautuluaga o le po, po o le vivini o moa, po o le taeao; ne‘i faafuasei ona sau, e maua mai outou o momoe. O le mea ou te fai atu ia te outou, ou te fai atu ai i tagata uma, Ina mataala ia.

Auā e sii le taua e le tasi nuu i le tasi nuu, o le tasi malo foi i le tasi malo; e i ai foi mafuie i lea mea ma lea mea, e i ai foi oge ma fouvale; o amataga ia o puapuaga.

Ia muai tala‘iina foi le tala lelei i nuu uma lava e ao ai.

auā e toatele e o mai i lo‘u nei igoa, ma faapea ane, O a‘u o ia, latou te faaseseina foi tagata e toatele.

Ia outou ia te outou; auā e tuuina atu outou e i latou i fono, ma sasaina outou i sunako; e tutū foi outou i luma o alii ma tupu ona o a‘u, e fai ma molimau ia te i latou.

Auā e tutū mai Keriso pepelo, ma perofeta pepelo, ma latou faia faailoga ma vavega, ina ia faasese a‘i e ua filifilia lava, pe afai e mafai ai.

O aso foi ia pe a mavae atu lena puapuaga, e faapogisaina ai le la, e le susulu mai foi le masina, e pauu mai fetu o le lagi, e luluina foi ‘au a le lagi.