Popular Bible Verses from MATAIO, 27

Share

Ua lata i le itu aso e iva, ona alaga ai lea o Iesu ma le leo tele, ua faapea atu, Eli, Eli, lama sapatani? o lona uiga lenei, Lo‘u Atua e, lo‘u Atua e, se a le mea ua e tuulafoai mai ai a‘u?

Faauta foi, ua saeluaina le ie puipui o le malumalu, ua amata ifo i luga, ua oo i lalo; ua luluina foi le eleele, ua mavaevae foi papa; ua avanoa foi tuugamau, ua toe tutū mai foi tino o tagata paia e toatele na momoe

Ua toe alaga Iesu ma le leo tele, ona tuuina atu ai lea e ia o lona agaga.

O le ta‘ita‘i foi o le toaselau, ma e na leoleo ia Iesu faatasi ma ia, na latou iloa le mafuie ma mea na faia, ona latou matuā matatau ai lea, ua faapea ane, E moni, o le Alo lava lenei o le Atua.

Ua fua mai i le itu aso e ono, ua pogisa uma ai le nuu, ua oo lava i le itu aso e iva.

Ona fai atu ai lea o Pilato ia te i latou, Se a foi le mea ou te faia ia Iesu o le ua igoa ia Keriso? Ona fai mai ai lea o i latou uma ia te ia, Ia faasatauroina ia. A ua fai atu le alii, Pe se a foi se leaga ua ia faia? A ua atili ai ona alalaga i latou, ua faapea mai, Ia faasatauroina ia.