Popular Bible Verses from I. KORINITO, 6

Share

Tou te le iloa ea, o lo outou tino o le malumalu lea o le Agaga Paia ua i totonu ia te outou, o loo ua ia te outou mai le Atua, e le aiā foi outou ia te outou? Auā ua faatauina outou i le tau; o lenei, ia outou vivii atu i le Atua i o outou tino ma ou outou agaga, o mea a le Atua ia.

Tou te le iloa ea, o e amio leaga e le fai mo latou tofi le malo o le Atua? Aua ne‘i faaseseina outou; o e faitaaga, ma e ifo i tupua, ma e mulilulua, ma e tauātane, ma e faasotoma, ma e gaoi, ma e matapeapea, ma e onā, ma e agatele, ma e fao mea, e le fai mo latou tofi le malo o le Atua.

Ina sosola ese ia outou i le faitaaga. Ua auliuligia le tino i agasala uma e faia e tagata; a o lē faitaaga, e agasala ia i lona lava tino.

Ua tataga mea uma ia te au, a ua le aoga mea uma; ua tataga mea uma ia te au, a o a‘u, e le faiaina a‘u i se tasi mea.

A o le Atua ua na toe faatuina le Alii, na te toe faatuina foi i tatou i lona lava mana.