Popular Bible Verses from I. KORINITO, 13

Share

E onosai le alofa, e agamalu, e le losilosi le alofa, e le mitamita vale le alofa, e le faafefeteina, e le amio matagā, e le sailia e ia ana lava mea, e le faaitaitagofie, e le tuuina atu i nisi le leaga

e talitonu i mea uma, e faamoemoe i mea uma, e onosai i mea uma.

e le fiafia i le amio leaga, a e fiafia i le faamaoni, e ufiufi i mea uma

A o lenei, o tumau le faatuatua, ma le faamoemoe, ma le alofa, o na mea e tolu; a o le sili o na mea o le alofa lea.

E le uma le alofa; a e pe ni perofetaga, e faaleaogaina ia; pe ni gagana, e mavae ia; po o le poto, e faaleaogaina lea.

Afai ou te tautala i gagana a tagata atoa ma agelu, a e leai so‘u alofa, ua avea a‘u ma ‘apa memea taalili, po o se sumapalo tagitagi.

Afai foi o ia te au ona perofeta ane, ma le iloa o mea lilo uma, ma le poto uma lava; afai foi o ia te au le faatuatua uma e ave ese ai mauga, a e leai so‘u alofa, ou te le aoga lava.

Afai foi ou te tufatufaina a‘u mea uma e fagaina a‘i e matitiva; afai foi ou te tuuina atu lo‘u tino ina ia susunuina, a e leai so‘u alofa, e leai lava sona aoga ia te au.

Ona po na ou itiiti ai, na ou tautala ai faatamaitiiti, na ou manatunatu faatamaitiiti, na ou filifili faatamaitiiti; a ua oo ina ou tagata matua, ona ou tiai lea o mea a tamaiti.