Popular Bible Verses from I. KORINITO, 12

Share

Ua foaiina taitasi i tagata le faaaliga o le Agaga e aoga ai.

A o outou, o le tino o Keriso outou, ma itu tino taitoatasi.

Pe afai e tiga le tasi itu tino, ia tiga faatasi ai itu tino uma lava; pe viia le tasi itu tino, ia olioli faatasi ai itu tino uma lava.

Auā ua foaiina mai i le tasi le upu o le poto e le Agaga; e i le tasi le upu o le malamalama, e tusa ma le Agaga e tasi; e i le tasi le taofi tonu e le Agaga e tasi; e i le tasi o mea alofa e faamalolo a‘i ma‘i e le Agaga e tasi; e i le tasi na te faia vavega; e i le tasi o le perofeta; e i le tasi o suega o agaga; e i le tasi gagana eseese; e i le tasi o le faamatalaga o gagana.

E matuā galue foi na mea uma e lea lava Agaga e tasi, o loo o tufatufa i tagata ia taitasi ma lana mea, pei ona finagalo i ai o ia.

ina ne‘i i ai i le tino se maseiga, a ia fetausiai faatasi uma itu tino.

E matalasi mea alofa, a e tasi lava le Agaga ia; e matalasi foi faiva, a e tasi lava le Alii ia; e matalasi foi mea mamana, a e tasi lava le Atua, o le na te matuā galue i mea uma i tagata uma lava.

Ua faatuina foi e le Atua i le ekalesia e muamua o aposetolo, o lona lua o perofeta, o lona tolu o a‘oa‘o, pito ane i ai o e fai vavega, i le ma mea alofa e faamalolo a‘i ma‘i, o e fesoasoani, o ta‘ita‘i, o gagana eseese.

Auā foi o le tino e le se itu tino e tasi lea, a e peitai o itu tino e lasi.

A e sili lava itu tino e ta‘ua e vaivai ona sili o lo latou aoga

Afai o mata uma le tino, pe faapefea ona faalogo? Afai na o le faalogo lava, pe faapefea ona sogi? A o lenei, ua tuuina e le Atua itu tino e taitasi ma lana tu i le tino, pei ona finagalo i ai o ia. Afai foi o mea uma o le itu tino e tasi ia, pe faapefea le tino?