Popular Bible Verses from Matayo 21

Share

Chochosi mumuvoyacho Mulungu kwa njira ya mavoyo, mundapata muchikala munakuluphira kukala, Mulungu undamuhendera.”

Jeso achiudzidza achiamba, “Ninamwambira jeri mino, muchikala munakuluphira jeri na kʼamuna shaka mwenu myoyoni, mundaidima kugahenda gaga godziuhendera uu mutini. Na chisha tsʼigo gago hicheye bee, ela mundaidima kuwamba hata mulima uu, ‘Ngʼoka ukadzitiye baharini,’ na vivyo vihendeke.

Atʼu osi okala a mbere za Jeso, na okala a nyumaze, achanza kugomba kʼululu kwamba, “Naalikwe mutʼu wa mudzungu wa Daudi! Waajaliwa ni Mwenyezi Mulungu yiye adzaye kwa dzina ra Bwana! Naalikwe Mulungu ariye u dzulu mulunguni!”

Ndo achiaamba, “Gaandikwa Maandikoni ga Mulungu kukala, ‘Nyumba yangu yindaihiwa nyumba ya mavoyo.’ Ela mwimwi, ninaona mudziyihenda ni pʼanga ya aivi!”

“Aambireni achina Jerusalemu kukala, Lolani, mufalume wenu unadza! Yiye ni murumwengu, na upanda pʼunda, upanda mwana pʼunda mulume ariye utuwana na ameye.”

Phapho Jeso achiaamba, “Mukale mwimwi kʼamudzangwe kugasoma Maandiko gano ga Mulungu gaambago: ‘Dziwe riro roremwa ni ajengi, vivi ndiro rodzikala dziwe ra tende muno! Bwana Mulungu ndiye ariyehenda neno riro, naro ni neno ra kuhwangalaza muno’?”

“Kwa vivyo ninamwambira kamare mino, mwimwi mundakulaviwa kuko Ufalumeni kwa Mulungu, na kuphirikwe anjine ondavyala matunda ga uo Ufalume wa Mulungu.”