Popular Bible Verses from Luka 12

Share

Ndo hata mwimwi namwi, kalani kwete ukati wosi, mana, mimi Mutʼu yelaa dzulu nindakudza ukati urio mundakala kʼamunilolera.”

Ndo kurichisa vivyo, ikani mbere maneno ga Ufalumewe, na gago mundaonjezwa dzuluye.”

Na phapho achenderera kwaambira osi kukala, “Dzimanyirireni mutsʼilaiwe ni matso kamare kwa vya atʼu, mana, mazagazi ga mutʼu kʼagatsukulwa ni unji wa miyo ariyo nayo.”

Maana, moyo wa mutʼu chila ukati waza pharatʼu pharipho utajiriwe.”

Na mutsʼibabaike kwakukala, kʼakuna aidimaye kudzonjezera hata dakika mwenga kwakwe maishani kwa kubabaika.

Chisha Jeso achiaamba anafunzie vivi, “Ndo ninamwambira mino, mutsʼibabaikire mazagazi genu, kukala mundaryani, hebu mutsʼibabaikire miiri yenu, kukala mundavalani.

Nichiuya upande wenu mwimwi, hata zo nyere zenu zosi mumo mwenu vitswani, Mulungu unazimanya ni nyingaphi! Ndo mutsʼogophe, mana, mwimwi muna tende muno kuchira duu ra vivyo vinyama vya kuburuka!”

Jeso wagomba achiamba, “Mutsʼogophe mwimwi achache, kwakukala, Abayenu Mulungu uhenza kumupʼa uo ufalumewe.

Hwalani mufano wa nyama a kuburuka. Ao kʼaarima na kʼaaguwa, hebu kʼaana vitsaga, ela Mulungu unaarisa vivyo. Hʼaya kafuje mwimwi murio hata muna maana muno kuchira ao nyama a kuburuka?

Hʼaya bee mutsʼiike mbere kutsakula chondarya hebu chondanwa, na mutsʼibabaike kamare.

Ndo chikala Mulungu unagamanyirira hata maruwa, garigo rero ga phapho na machero ganangʼolwa, akale yiye kʼandamwidimisa mupate nguwo mwimwi? Heka mwimwi hata kuluphiro renu ni dide vino?

Chila chofinikʼirwa chindafunulwa, na chila chofitswa chindamanyikana.