Popular Bible Verses from Genesis 27

Share

Tagan ka unta han Dyos hin tun-og tikang ha langit ngan himoon nga maglangbo an imo kaumhan! Tagan ka unta niya hin damo gud nga mga pagkaon ug bino! Magin imo unta mga surugoon an kanasoran, ngan yumukbo unta ha imo atubangan an mga tawo. Maghadi ka unta han ngatanan mo nga kauropdan, ngan yumukbo unta ha imo atubangan an mga tulin han imo nanay. Mahigabaan unta adton mga magpapanhimaraot ha imo, ngan maghingaupay unta adton mga magpapakaupay ha imo.”

Nagsiring hi Esau, “Ikaduha na ini nga paglimbongi niya ha akon. Diri urosahon nga Jacob an iya ngaran. Ginkuha niya an akon mga katungod hin pagkasuhag nga anak, ngan yana ginkuha niya an akon bendisyon. Waray ka ba magsalin hin bendisyon para ha akon?”

Niyan nagsiring ha iya hi Isaac, “Waray tun-og tikang ha langit nga para ha imo. Waray maglangbo nga kaumhan nga para ha imo. Mabubuhi ka pinaagi han imo espada, Kundi magigin oripon ka han imo bugto. Kundi kon umato ka, Mahigagawas ka han iya gahom.”

Nagpadayon hi Esau hin pakimalooy han iya amay, “Uusa ba gudla an imo bendisyon, tatay? Bendisyoni gad liwat ako, tatay!” Ngan nagtangis hiya.