Popular Bible Verses from Genesis 26

Share

Pag-ukoy la anay dinhe, ngan maupod ako ha imo ngan pagpapakaupayon ko ikaw. Ighahatag ko ha imo ngan han imo mga tulin ini ngatanan nga katunaan. Pagtutumanon ko an saad nga akon ginhimo kan Abraham nga imo amay.

Tatagan ko ikaw hin mga tulin nga sugad ka damo han mga bitoon ha langit, ngan ighahatag ko ha ira ini ngatanan nga katunaan. Hahangyoon ako han ngatanan nga kanasoran hin pagpakaupay ha ira sugad han akon pagpakaupay han imo mga tulin. Pagpapakaupayon ko ikaw kay ginsugot ako ni Abraham, ngan gintuman niya an ngatanan nakon nga mga balaod ngan mga sugo.”

Binmalhin hiya tikang didto ngan nag-ukab hin lain na liwat nga atabay. Waray na pagsuhay-suhay hiunong hini, sanglit ginngaranan niya ini nga Rehobut, an karuyag sidngon Kagawasan. Nagsiring hiya, “Yana gintagan na kita han GINOO hin kagawasan hin pag-ukoy dinhe han tuna, ngan magmamainuswagon na kita dinhe.”

Pinmakita kan Isaac an GINOO ngan nagsiring, “Ayaw pagkadto ha Ehipto; pabilin dinhe hini nga tuna nga ginpaukyan ko ha imo.

Nagtindog hi Isaac hin usa nga altar didto ngan nagsingba hiya han GINOO. Katapos nagkampo hiya didto, ngan nag-ukab an iya mga surugoon hin lain nga atabay.