Popular Bible Verses from Saray Salmo 34

Share

Say KATAWAN maasinger ed saray nanaekalay biskeg na linawa; ilalaban to ray sigput a naandiay ilalo.

Nampikasi ak ed KATAWAN et inebatan to ak, inekal ton amin iray takot ko.

Amayamay iray gunigon a paniirapay toon matonung, balet say KATAWAN ilalaban tod amin a gunigon to

Nengneng mon dili so ontan lan kaabigay KATAWAN. Maliket iray totoon onsasalimbeng ed sikato.

Onsisingger ed sikato ray napapairap, et magayaga ra; ag iran balut nabaingan.

Saray matonung ontatawag irad KATAWAN, et dedengelen to ra; iyaagel to rad amin a gunigon da.

Say anghil na KATAWAN babantayan to ray mangigagalang ed KATAWAN tan iyaagel to rad kaatapan.

Arawian yoy kaogsan tan manggawa kayoy kamaungan; pampilalekan yod intiron puso so kareenan.

Ag kayo sirin mansasalitay maoges tan ag kayo mantitila.

Say KATAWAN iimanoen to ray matonung, tan dedengelen to ray tawag da

Ibaan yo ak a mangitandurod KATAWAN; mankakasakey itayon mangidayew ed ngaran to!